នៅព្រឹកថ្ងៃទី២២ ខែឧសភា ឆ្នាំ២០១៥នេះ មានប្រជាពលរដ្ឋតំណាងសហគមន៍ចំនួន៧ស្រុកផ្សេងៗគ្នា មានបំណងហែញត្តិ ដាក់ជូនអភិបាលខេត្តសៀមរាប ពាក់ព័ន្ទនិងរឿងជម្លោះដីធ្លីរបស់ពួកគាត់ តែត្រូវបានកងកម្លាំសមត្ថកិច្ចធ្វើការរារាំងនៅចំណុច រង្វង់មូលផ្លូវ៦០ម៉ែត្រ ក្នុងសង្កាត់ស្លាក្រាម ក្រុងសៀមរាប មិនអោយពលរដ្ឋទាំងនោះចូលយកញត្តិដាក់ជូនលោកអភិបាលខេត្ត នៅសាលាខេត្តសៀមរាបនោះទេ។
យោងតាមញត្តិមួយច្បាប់ដែលអ្នកយកព័ត៌មានយើងទទួលបានពីពលរដ្ឋតំណាងសហគមន៍បានសរសេរថា៖ ˝យើងជាសកម្មជន និងជាតំណាងបណ្តាញសហគមន៍ស្ថិតក្នុងភូមិសាស្រ្តស្រុកចំនួន៧ ក្នុងខេត្តសៀមរាប រួមមាន ស្រុកស្វាយលើ ស្រុកវ៉ារិន ស្រុកបន្ទាយស្រី ស្រុកអង្គរធំ ស្រុកប្រាសាទបាគង ស្រុកពួក និងស្រុកសៀមរាប។
យើងជាបណ្តាញសហគមន៍ នៃប្រជាជនមូលដ្ឋាន យើងបាននិងកំពុងទទួលរងគ្រោះធ្ងន់ធ្ងរពីការអភិវឌ្ឈន៍នៅក្នុងតំបន់ ដែលជះឥទ្ធិពលអវិជ្ជមានធ្វើអោយជីវិតរបស់ពួកយើងកាន់តែងាយរងគ្រោះនិងគ្មានសុវត្ថិភាពទាំងជីវភាពរស់នៅប្រចាំថ្ងៃ និងរយៈពេលយូរអង្វែងរបស់យើងខ្ញុំទាំងអស់គ្នានៅក្នុងតំបន់។
ការគ្រប់គ្រងដីធ្លី ការអភិវឌ្ឈន៍ហេដ្ឋារចនាសម្ព័ន្ធសាធារណៈ និងការដោះស្រាយវិវាទដីធ្លីទាំងក្នុង និងក្រៅប្រព័ន្ធតុលាការ ក៏ដូចជាការអនុវត្តគោលនយោបាយនានា ដែលមិនបានបង្ហាញ ឬចាត់ទុកតម្រូវការរបស់ប្រជាជនមូលដ្ឋានជាសំខាន់ មិនមានភាពស្មើគ្នាប្រកបដោយអត្ថន័យបំរើអោយប្រយោជន៍ប្រជាជនស្របតាមគោលការណ៍អភិវឌ្ឈន៍តាមបែបប្រជាធិបតេយ្យពិតប្រាកដ ដោយមានការចូលរួមពីពួកយើងខ្ញុំទាំងអស់គ្នាជាប្រជាជនចូលរួមក្នុងដំណើរការសម្រេចចិត្តឡើយ។ ផ្ទុយទៅវិញថ្នាក់ដឹកនាំបាន យកចិត្តទុកដាក់ជាអទិភាពទៅលើតែផលប្រយោជន៍របស់ក្រុមហ៊ុនឯកជន និងអ្នកមានឥទ្ធិពល។
ផលប៉ះពាល់រួមមកលើយើងខ្ញុំទាំងអស់គ្នាគឺ៖ ការរំលោភយកដីធ្លីប្រជាពលរដ្ឋដោយមន្រ្តីយោធា ការដកហូតដោយអាជ្ញាធរអប្សរា ដោយគ្មានការដោះដូរ ឬការទូទាត់សំណងសមរម្យ ការគំរាមកំហែងដោយប្រព័ន្ធតុលាការ។
យើងទាំងអស់គ្នាបានច្បាស់ពីបញ្ហាប្រឈម និងបានធ្វើការសម្រេចចិត្តរួមគ្នាស្វែងរកដំណោះស្រាយ ទាមទាអោយរដ្ឋាភិបាលដោះស្រាយលើបញ្ហាជាក់ស្តែងនៅចំពោះមុខ ដែលមានដូចខាងក្រោមនេះ៖
នៅព្រឹកថ្ងៃទី២២ដដែលនេះ ខាងសាលាខេត្តសៀមរាប ក៏បានផ្ញើលិខិតមួយច្បាប់លេខ ៥៥៥ស.ជ.ណ ចុះហត្ថលេខាដោយ អភិបាលខេត្តស្តីទី ប៊ុន-ថាឬទ្ធិ ជម្រាបមកលោក លោកស្រីតំណាងសហគមន៍ទាំង៧ស្រុកវិញថា ˝រដ្ឋបាលខេត្តមានការសោកស្តាយពុំអាចអនុញ្ញាតអោយរៀបចំការហែក្បួន ដែលគ្រោងនិងប្រព្រឹត្តទៅនៅថ្ងៃទី២២ ខែឧសភា ឆ្នាំ២០១៥នេះ ពីព្រោះជៀសវាងប៉ះពាលដល់សណ្តាប់ធ្នាប់សាធារណៈ សន្តិសុខ និងសុវត្ថិភាពសង្គម។ យោងតាមលិខិតដដែលនេះ បានស្នើអោយលោក លោកស្រីតំណាងសហគមន៍ ចំនួន០៨នាក់ នាំយកញត្តិមកកាន់សាលាខេត្ត និងប្រជុំ ភិភាក្សាដើម្បីរកដំណោះស្រាយនៅរសៀលម៉ោង២និង៣០នាទី ថ្ងៃទី២២ ខែឧសភា ឆ្នាំ២០១៥នេះ។
គេសង្កេតឃើញថា ជម្លោះដីធ្លីនៅតែជាបញ្ហាក្តៅគគុគ ដែលបណ្តាលអោយប្រជារាស្រ្តក្រីក្រស្លូតត្រង់រងគ្រោះមិនចេះចប់មិនចេះហើយ ដោយសាតែការរំលោភបំពានពីសំណាក់ អ្នកមានអំណាច អ្នកមានលុយ និងក្រុមហ៊ុនឯកជនមួយចំនួន។
ក្រុមពលរដ្ឋទាំងអស់នេះសូមសំនូមពរទៅរដ្ឋាភិបាលមេត្តាជួយជំរុញមន្រ្តីក្រោមឱវាតដែលមានសិទ្ធដោះស្រាយរឿងជម្លោះដីធ្លីខាងលើនេះ អោយធ្វើការដោះស្រាយជូនពួកគាត់អោយបានឆាប់រហ័សផង៕ ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
