ទង់ជាតិ គឺជាគ្រឿងសំគាល់ពីអត្តសញ្ញាណជាតិនីមួយ។ ពណ៌ និងរូបតំណាងនៅលើទង់ជាតិ បានបង្កប់នូវអត្ថន័យដែលបានឆ្លុះបញ្ចាំងពី ប្រវត្តិសាស្ត្រ សិល្បៈ វប្បធម៌ ប្រពៃណីជាដើម។ គេអាចស្គាល់មនុស្សម្នាក់ថាមកពីប្រទេសណា ជាជនជាតិអ្វី តាមរយះគ្រឿងសំគាល់ខ្លួនផ្សេងៗ ដូចជា ភាសា សិល្បៈ វប្បធម៌ ទង់ជាតិ លិខិតសម្គាល់ខ្លូន និងប័ណ្ណសម្គាល់ខ្លូនផ្សេងៗទៀត។ 

ប្រសិនបើមនុស្សជាតិមួយ មិនស្គាល់ពីអត្តសញ្ញាណរបស់ខ្លូននោះ ប្រទេសជាតិមួយនោះនឹងអាចត្រូវបាត់បង់ ឬត្រូវរស់ក្រោមការដឹងនាំរបស់ជាតិសាសន៍ដ៏ទៃ ជាក់ជាមិនខាន។ ការការពារ ថែរក្សា និងអភិរក្សជាតិ ជាកាតព្វកិច្ចក៏សំខាន់របស់ ជាតិនីមួយៗ។ 

ក្នុងពេលថ្មីៗនេះ ប្រជាជាតិខ្មែរបាន និងកំពុងមានប្រត្តិកម្មខ្លាំងចំពោះជាតិសាសន៍មួយចំនួនបាន និងកំពុងបំពានមកលើជាតិសាសន៍របស់ខ្លួន ទាំងការឈ្លានពានបូរណភាពទឹកដី និងការមាក់ងាយដោយមិនដឹងខ្លូនដោយការយក រូបទង់ជាតិកម្ពុជា ទៅបោះពុម្ភភ្ជាប់នឹងទ្រនាប់ជើងដើម។

តាមរយះគេហទំព័រលក់ទំនិញតាមបណ្ដាញអិនធើណិតរបស់បរទេសមួយ (http://www.cafepress.com/) បានដាក់លក់ផលិតផលដែលមានភ្ជាប់រូបភាព ទង់ជាតិខ្មែរ និងប្រាសាទផ្សេងៗជាច្រើនទៀត។ ផលិតផលទាំងនោះមានដូចជា អាវ ខោ កែវ ចាន ស្លាបព្រា ទ្រនាប់ជើងជាដើម។ល។

ប្រជាជាតិខ្មែរបាន និងកំពុងខឹងមិនពេញចិត្តយ៉ាងខ្លាំងចំពោះគេហទំព័រមួយនេះ ដែលបានយករូប ទង់ជាតិខ្មែរ និងប្រាសាទនានារបស់ខ្មែរទៅដាក់ភ្ជាប់នឹងទ្រនាប់ជើង។ នេះការមាក់ងាយដោយមិនដឹងខ្លូនពីសំណាក់គេហទំព័រមួយនេះ។

ស្របពេលនេះផងដែរ អត្តសញ្ញាណប័ណ្ណសញ្ជាតិខ្មែរក៏ត្រូវទទួលការរិះគន់ ពីប្រពលរដ្ឋខ្មែរដូចគ្នាតាមរយះបណ្ដាណសង្គមនានា ដោយសារតែការប្រើប្រាស់ខុសទង់ជាតិដែលបានដាក់លើអត្តសញ្ញាតិ។

ទង់ជាតិខ្មែរបានផ្លាស់ប្ដូរ៨ជំនាន់ និង៩ដំណាក់កាល៖

ទង់ជាតិ	កំឡុងឆ្នាំ	របបនយោបាយ ឬសម័យកាល
	១៩៩៣-បច្ចុប្បន្ន	ប្រជាធិប្បតិយ សេរីពហុបក្ស​ (ព្រះរាជាណាចក្រកម្ពុជា)
	១១៩២-១៩៩៣	សម័យអ៊ុនតាក់
	១៩៨៩-១៩៩១	រដ្ឋកម្ពុជា
	១៩៧៩-១៩៨៩	សាធារណរដ្ឋប្រជាមានិត
	១៩៧៥-១៩៧៩	កម្ពុជាប្រជាធិបតេយ្យ(ប៉ុល ប៉ត)
	១៩៧០-១៩៧៥	សាធារណរដ្ឋខ្មែរ
	១៩៤៨-១៩៧០	សង្គមរាស្រ្តនិយម
	១៩៤២-១៩៤៥	ក្រោម​ការ​ត្រួតត្រា​របស់​ជប៉ុន
	១៨៦៣-១៩៤៨	ក្រោម​អាណានិគម​បារាំង

អត្ថន័យទង់ជាតិខ្មែរ

ទង់ជាតិ​នៃ​ព្រះរាជាណាចក្រកម្ពុជា បច្ចុប្បន្ន​នេះ​ត្រូវ​បាន​ដាក់​ឱ្យ​ប្រើប្រាស់​ជា​ផ្លូវការ នៅ​ឆ្នាំ ១៩៩៣ បន្ទាប់​ពី​ការ​បោះ​ឆ្នោត ។ ទង់​ជាតិ​នៃ​ព្រះរាជាណាចក្រ​កម្ពុជា បាន​រចនា​ឡើង​តាំង​ពី ឆ្នាំ ១៨៥០ មកម្លេះ ដោយ​ដាក់​រូប ​ប្រាសាទអង្គរវត្ត​  ពណ៌សខ្មៅនៅ​ចំ​ផ្ទៃ​កណ្តាល ។
ទង់​ជាតិ​នៃ​ព្រះរាជាណាចក្រកម្ពុជា​មាន ៣ ពណ៌ ​ដែល​មាន​ន័យ​ដូច​គ្នា​នឹង​បាវចនា​ជាតិ​គឺ «​ជាតិ​ សាសនា ​ព្រះមហាក្សត្រ»

        »ពណ៌ស តំណាង​ឱ្យសាសនា សន្តិភាព
        »ពណ៌ក្រហម​ តំណាង​ឱ្យ ជាតិ​​គឺ​​ទឹកដី​​និង​​ប្រជាជន
        ​»ពណ៌ខៀវ តំណាង​ឱ្យព្រះមហាក្សត្រ​​ និង​​ព្រះអគ្គមហេសី

បើតាមទង់ជាតិខាងលើ បញ្ជាក់អោយឃើញពីភាពខុសឆ្គងនៃទង់ជាតិដែលនៅក្នុងអត្តសញ្ញាណប័ណ្ណជាតិដែលកំពុងប្រើប្រាស់បច្ចុប្បន្ន។

ចំនុចខុស៖

១- ប្រាសាទអង្គរវត្តគូសដោយគំនូសព័ណ៌ក្រហម
២- គ្មានកាំជណ្ដើរ

សូមចូលរួមមតិខាងក្រោម