រថយន្តដឹឈើក្រញូងបង្កប់ក្រោមដំឡូងមួយគ្រឿងត្រូវបានសមត្ថកិច្ចបង្រ្កាប

រថយន្តយីឌុបដឹកឈើក្រញូងបង្កប់ក្រោមដំឡូងមួយគ្រឿង ត្រូវបានកម្លាំង រដ្ឋបាលព្រៃឈើ សៀមរាប បានចាប់ ខណៈ​ក្រុម​ ឈ្មួញ​ដឹក​ចេញ ពី​ភូមិសាស្ត្រ​ ខេត្ត​ឧ​ត្ត​រ​មានជ័យ បម្រុង​ឆ្ពោះទៅ ​ទីផ្សារងងឹត​ឯ​ព្រំប្រទល់ ​ប្រទេស​វៀតណាម​ កាលពីយប់ថ្ងៃទី២១ ខែកក្កដា ឆ្នាំ២០១៥ម្សិលមេញ។​ ការបង្ក្រាប​នោះ បានធ្វើ​ឡើង​នៅ​ម៉ោងជាង​២​រំលង​អា​ធ្រា​ត្រ​ឆ្លង​ចូល​ថ្ងៃទី​២១ ខែកក្កដា ឆ្នាំ​២០១៥ នៅលើ​ដងផ្លូវ​ជាតិ​លេខ​៦៨ ក្នុងភូមិ​សែន​សុខ ឃុំ​សែន​សុខ​ស្រុក​ក្រឡាញ់​។ ក្នុងពេល​កើតហេតុ​អ្នកបើកបរ និង​ព្រូឡាន​រត់គេចខ្លួន​បាត់ សមត្ថកិច្ច​រដ្ឋបាល​ព្រៃឈើ​បាន​ឲ្យ​ដឹងថា ដោយមាន​ប្រភព​ពត៌មាន​ច្បាស់លាស់​កម្លាំង​រដ្ឋបាល​ព្រៃឈើ​ខេត្ត បានធ្វើការ​ស្ទាក់​ឆែកឆេរ​ក៏​ឃើញ​ដំឡូង​មី​ពីលើ​បង្កប់​ឈើ​ក​គ្រញូង​ខាងក្រោម តែ​អ្នកបើកបរ​បានឃើញ​ដូច្នេះ​ក៏​រត់​គេចខ្លួនបាត់​តែម្តង​។​ ប្រភព​បន្តថា ក្រោយពី​ស្ទាក់ចាប់​ជំនាញ​បាន​អូស​ឡាន​យកទៅ​កាន់​ថ្នាល​បណ្តុះ​កូនឈើ​ផ្នែក​បន្ទាយស្រី​។ រហូតមកទល់​ល្ងាច​ថ្ងៃ​ដដែល​នេះ កម្លាំង​រដ្ឋបាល​ព្រៃឈើ​ខេត្ត​កំពុង​រាប់ និង​ថ្លឹង​រក​ចំនួន​ពិតប្រាកដ ដើម្បី​រៀបចំ​សំណុំរឿង​បញ្ជូនទៅ​តុលាការ​ចាត់ការ​តាមផ្លូវ​ច្បាប់​។ ប៉ុន្តែ​ការប៉ាន់ប្រមាណ​អាចមាន​ចំនួន​ជាង ២០​ម៉ែត្រគូប​៕