អ្នកយកព័ត៌មានបីនាក់ ត្រូវបានមេល្បែង ស៊ីសងធ្វើការ គម្រាមកំហែង ដាក់ខ្នោះ និងប្រតាយ ប្រតប់ ដណ្តើមយក ម៉ាស៊ីនថតវីដេអូ ខណៈពេលដែល អ្នកយកព័ត៌មាន ទាំងនោះ ចុះទៅទៅថត យកព័តមាន ករណី លេងល្បែង ខ្លាឃ្លោក មួយកន្លែងនៅផ្សារ ដើមក្រឡាញ់ សង្កាត់ គោកចក ក្រុងសៀមរាប ខេត្តសៀមរាប។
អ្នកយកព័ត៌មានម្នាក់ ក្នុងចំណោម៣នាក់នោះ បាននិយាយឲ្យដឹងថា ការចុះទៅថតករណី លេងល្បែង ខ្លាឃ្លោក នោះ គឺធ្វើតាមការ បង្ហាញទីតាំង និងសំណូមពរ ពីប្រជាពលរដ្ឋ ដែលកើតក្តី ក្តៅក្រហាយ ព្រោះតែ សមាជិក គ្រួសាររបស់ខ្លួន លង់ខ្លួនដោយសារតែ បានប្រព្រឹត្តិ ល្បែងនៅទីនោះ ហើយអ្នករងគ្រោះ គឺអ្នក នៅផ្ទះ ។
អ្នកយកព័ត៌មាន រូបនោះបញ្ជាក់ថា ហេតុការណ៍ប្រតាយ ប្រតប់អ្នកព័ត៌មាន ដណ្តើមយក ម៉ាស៊ីនថតវីដេអូ ក្នុងខណៈពេលចុះថត បនល្បែងនោះ គឺកើតឡើងកាល ពីវេលាម៉ោង ៣ និង៥០នាទី រសៀលថ្ងៃទី ១១ ខែធ្នូ ឆ្នាំ២០១៥ បណ្តាលឲ្យខូច កាមេរ៉ាថត វីដេអូ១គ្រឿង ។ អ្នកយកព័តមាន ! ដែលក្លាយជាជនរងគ្រោះ បាន បញ្ចាក់ថា មុននឹងចុះទៅ ថតបនល្បែងនោះ ពួកគាត់បាន ស្នើសុំសហការ ជាមួយប៉ុស្ដិ៍ នគរបាលសង្កាត់ គោកចកផងដែរ តែលោកមេប៉ុស្តិ៍ ជាប់រវល់។
ក្រោយពីហេតុការណ៍ នោះកើតឡើង អ្នកយកព័ត៌មាន រូបនោះ បានសុំការ ធ្វើអន្តរាគមន៍ រកខុសត្រូវ ពីសំណាក់ ឧត្តមសេនីយ៍ ស្នងការនគរបាល ខេត្តសៀមរាប ដោយផ្ទាល់ ។ ប្រហែលជា២០ នាទីក្រោយពីការសុំ អន្តរាគមន៍ ទើបឃើញលោក មេប៉ុស្តិ៍ សង្កាត់គោកចក បានមកដល់ កន្លែងកើតហេតុ ។
អ្នកយកព័ត៌មាន រងគ្រោះ រូបនោះបាន និយាយថា មេល្បែងបាន គំរាមគាត់ ឲ្យលុបរូបភាព ដែលបានថត ចោលឲ្យអស់ បើមិនដូច្នោះទេ គេ នឹងដាក់ខ្នោះ ហើយបើហ៊ានយក រឿងនេះទៅផ្សាយ នឹងមានបញ្ហា ធំមិនខាន ។ មេល្បែងរូប នោះបាន គេឧទ្ទេស នាមខ្លួនគេថា រូបគេជាប៉ូលីស ព្រហ្មទណ្ឌ ។ ប្រជាពលរដ្ឋ នៅជិតៗនោះ ក៏បាននិយាយឲ្យដឹង ដែរថា បនល្បែង នេះឈរជើងយូរហើយ មេល្បែងប្រុសឈ្មោះ ម៉ៅ ហៅ ខ្មៅ និង មានមេល្បែង ស្រីម្នាក់ទៀត ឈ្មោះ ចែម៉ាប់ និងជាមេតុង ទីនផងដែរ ។
លោក ឈុំ សំបាន មេប៉ុស្តិ៍ន គរបាលរដ្ឋបាល សង្កាត់គោកចក បាននិយាយថា ឈ្មោះ ម៉ៅ មេល្បែងខ្លា ឃ្លោកនោះ មិនមែនជាមេប៉ូលីស ព្រហ្មទណ្ឌអីនោះទេ។
គួរបញ្ជាក់ដែរថា នៅពេលដែល កម្លាំងប៉ូលីស សង្កាត់ ចុះទៅអន្តរាគមនោះ មេល្បែង បានគេច ខ្លួនបាត់ទៅហើយ ។
លោក មេប៉ុស្តិ៍បាន ឲ្យដឹងទៀតថា ករណីខាងលើនេះ លោកបានទទួល ពាក្យបណ្តឹង ដែលបានធ្វើឡើង ដោយភាគីរងគ្រោះ គឺអ្នកយកព័ត៌មានទូរទស្សន៍ប៉ុស្ថិលេខ៣ ប្រចាំខេត្តសៀមរាប លើ ករណីទាមទារ សំណង ដែលជន សង្ស័យឈ្មោះ ម៉ៅ ហៅខ្មៅ មានចេតនាបង្ករ ធ្វើឲ្យខូច កាម៉េរ៉ាថត វីដេអូ១គ្រឿង និងទូរស័ព្ទដៃផងដែរ ចំពោះករណីយ៍ ប៉ះពាល់ រាងកាយ និង ការជេរប្រមាថ ផ្សេងៗទៀត សូមឲ្យសមត្ថកិច្ច អនុវត្ត តាមច្បាប់ តុលាការ ជាធរមាន ៕ ប៊ុនធឿន






បទកំណាព្យដែលអ្នកកម្របានលឺ បានអាន បានស្តាប់ពីមុនមក តែឥឡូវបានមកដល់ហើយ បទកំណាព្យដ៏សែនពិរោះនេះ និងចូលខ្លួនមកបំពេអារម្មណ៍របស់លោកអ្នក អោយសើចសប្បាយលាយឡំជាមួយទឹកភ្នែកក៏អាចថាបាន។ តោះចាំអីទៀតចុចលើរូបភាពខាងក្...Read more
សំណុំរឿងឈ្មួញរកស៊ីដឹកឈើក្រញូង បើករថយន្តបំបុករថយន្តអ្នកកាសែត ប៉ុនប៉ងមនុស្សឃាតដោយចេតនា តាំងពីឆ្នាំ២០១៣នោះ ត្រូវបានតុលាការ ខេត្តសៀមរាបធ្វើការតម្កល់ឥតចាត់ការនេះបើយោងតាម...Read more
សូមមើល រូបភាព និងវីដេអូ សកម្មភាពគណបក្សសង្គ្រោះជាតិដង្ហែក្បួនបាតុកម្មអហឹង្សា ថ្ងៃទី១៥នៅរាជធានីភ្នំពេញ។
...Read more
អគ្គលេខាធិការដ្ឋានព្រឹទ្ធសភា មានកិត្តិយសសូមជម្រាបជូនសាធារជនជ្រាបថា នាថ្ងៃច័ន្ទទី០៨ ខែធ្នូ ឆ្នាំ២០១៤ វេលាម៉ោង០៨:០០ព្រឹក ព្រឹទ្ធសភា...Read more
យោងតាមប្រភពពីមន្ត្រីរាជការនៃ មន្ទីរពាណិជ្ជកម្មខេត្តកំពង់ស្ពឺបានឲ្យដឹងថារ កន្លងទៅនេះលោក ញិល សំបូរ និងបក្ខពួក ប្រព្រឹត្តអំពើពុករលួយកេង ប្រវ័ញ្ចថវិការដ្ឋ ក្នុងមួយឆ្នាំៗយ៉ាង...Read more
មានសេចក្តីរាយការពីរឿងអាស្រូវរបស់លោក លឹម សម្បត្តិ ប្រធានការិយាល័យគយនិងរដ្ឋាករច្រកអន្តរជាតិព្រំក្នុងខេត្តប៉ៃលិនបានធ្វើឲ្យមន្ត្រីគយទូទាំងប្រទេសមានការចាប់អារម្មណ៍យ៉ាងខ្លាំង ដោយហេត...Read more
នៅលើភិភពលោកនេះ គ្មាននរណាម្នាក់ចង់អោយប្រទេសជាតិមានសង្គ្រាមកើតឡើងនោះទេ សង្គ្រាមអាចធ្វើអោយប្រទេសជាតិធ្លាក់ដុនដាមខាងផ្នែកសេដ្ឋកិច្ច សង្គ្រាមអាចធ្វើអោយមនុស្សស្លាប់ បែកបាក់ព...Read more
នៅព្រឹកថ្ងៃទី២២ ខែឧសភា ឆ្នាំ២០១៥នេះ មានប្រជាពលរដ្ឋតំណាងសហគមន៍ចំនួន៧ស្រុកផ្សេងៗគ្នា មានបំណងហែញត្តិ ដាក់ជូនអភិបាលខេត្តសៀមរាប ពាក់ព័ន្ទនិងរឿងជម្លោះដីធ្លីរបស់ពួកគាត់ តែត្រូ...Read more
អ្នកនយោបាយនៅកម្ពុជាត្រូវបានគេមើលឃើញថា ធ្វើនយោបាយដើម្បីតែអំណាចផ្ទាល់ខ្លួន អំណាចប្រមូលផ្តុំ បក្ខពួកនិយម ទាំងគណបក្សកាន់អំណាច និងគណបក្សប្រឆាំងគេចមិនផុតពីការតែងតាំង...Read more
មនុស្សយើងគ្រប់រូប តែងតែចង់អោយមានសុខភាពល្អ មានរូបរាងស្អាតសង្ហា មានប្រាជ្ញាវៀងវៃ មានទ្រព្យសម្បត្តិស្តុកស្តម្ភ មានលុយកាក់ច្រើន ចង់ទទួលទានអាហារឆ្ងាញៗ។ តែនាពេលបច្ចុប្បន្ន មានម្ហូប...Read more
| ថ្ងៃនេះ | 838 | នាក់ |
| ម្សិលមិញ | 2319 | នាក់ |
| សប្ដាហ៍នេះ | 838 | នាក់ |
| ខែនេះ | 16381 | នាក់ |
| ឆ្នាំនេះ | 299033 | នាក់ |
| សរុប | 57650429 | នាក់ |
| ថ្ងៃទី 08 ខែ 06 ឆ្នាំ 2026 ម៉ោង 06:18 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

