ផ្ទះប៉ូលិសក្រុងសៀមរាបម្នាក់បើកល្បែងស៊ីសង ត្រូវបានកម្លាំងព្រហ្មទណ្ឌខេត្តបង្ក្រាបឃាត់ខ្លួនបានមនុស្ស ៩នាក់

លំនៅឋាន មន្ត្រីនគរបាល ក្រុងសៀមរាប ម្នាក់បាន បើកល្បែង ស៊ីសង ត្រូវបាន កម្លាំង នគរបាល ព្រហ្មទណ្ឌ កម្រិតស្រាល ខេត្តសៀមរាប ធ្វើការ បង្ក្រាបឈាន ដល់ឃាត់ខ្លួន អ្នកលេង ប្រុសស្រី ចំនួន៩នាក់ ទាំងម្ចាស់ផ្ទះ ជាភរិយា មន្ត្រីនគរបាល ដែលផ្ដល់ ទីតាំងផងដែរ។

ប្រភពច្បាស់ការណ៍ បានឲ្យដឹងថា ហេតុការណ៍ បង្ក្រាបធ្វើឡើង នៅម៉ោង៣និង៣០នាទីល្ងាច ថ្ងៃទី២១ ខែធ្នូឆ្នាំ២០១៥ ស្ថិតនៅ ខាងត្បូងផ្សារ ដើមក្រឡាញ់ ក្នុងភូមិត្រពាំងសេះ សង្កាត់គោកចក ក្រុងសៀមរាប។ ក្នុងនោះ វង់ល្បែង ខ្លាឃ្លោក ១វង់ និងបៀរ ២វង់។

យ៉ាងណា ក៍ដោយ ក្រុមអ្នកលេង ល្បែងទាំង ៩នាក់ត្រូវបាន នាំយកមក កាន់ការិយាល័យ នគរបាល ព្រហ្មទណ្ឌ កម្រិតស្រាល ភ្លាមៗតែ សមត្ថកិច្ច ធ្វើការអបរំ ឲ្យត្រឡប់ទៅ លំនៅឋាន វិញទាំងអស់ នៅថ្ងៃនេះដដែល។ ដោយឡែក មន្ត្រីនគរបាល ដែលព័ត៌មានថា ផ្ទះរបស់់ខ្លួន បើកល្បែង ស៊ីសងនោះ មិនត្រូវបាន គេទម្លាយ ឈ្មោះឲ្យដឹងនោះទេ៕ សហការី