ប្រុសស្រីវ័យក្មេង១គូជាប់ជុងប៉ូលីសពីបទប្រើស្រាសគ្រឿងញៀន

មន្ត្រីនគរបាលនៃស្នងការ​នគរបាល​ខេត្តក្រចេះ បានឲ្យដឹងថា ប៉ូលិសក្រុងក្រចេះបាន​ឃាត់ខ្លួនជនប្រុស-ស្រីជាមុខសញ្ញាជួញ​ដូរ​គ្រឿងញៀនចំនួនពីរនាក់ កាលពីថ្ងៃទី៤ ខែមករា ឆ្នាំ២០១៦ វេលាម៉ោង ១០ និង១៥នាទី ស្ថិត​នៅភូមិវត្ត សង្កាត់ក្រចេះ ក្រុងក្រចេះ និងដកហូតបានថ្នាំញៀន ប្រភេទម្ស៉ៅក្រាមពណ៌ស ១កញ្ចប់។

ប្រ​ភព​ពី​មន្ត្រីនគរបាលបាន​បន្តថា ជនសង្ស័យជា មុខសញ្ញាខាង​លើ​នេះ ១-ឈ្មោះ កៅ សេរី ហៅគិរី ភេទប្រុស អាយុ២២ឆ្នាំ មានទីលំនៅ សង្កាត់កោះទ្រង់ ក្រុងក្រចេះ និងទី២-ឈ្មោះ លឹម រចនាកលិកា ភេទស្រី អាយុ១៦ឆ្នាំ មានទីលំនៅឃុំសោប ស្រុកព្រែកប្រសព្វ ខេត្តក្រចេះ។

សមត្ថ​កិច្ច​បាន​បន្ថែមថា ជន​សង្ស័យទាំងពីរខាង​លើ​នេះ កំពុងតែឃុំខ្លួនដើម្បី​ធ្វើ​ការ​សាកសួរទៅ​តាម​និតិវិធីនៅឯអធិការដ្ឋាននគរបាលក្រុងក្រចេះ។

សូមប្រជាពលរដ្ឋខ្មែរឈប់​ប្រើ​ប្រាស​គ្រឿង​ញៀន ងាកមក​ហាត់កីឡាដើម្បី​សុខភាព ហើយ​​ជួយ​ដល់​សង្គម​ជាតិ​ និង​ក្រុម​គ្រួសារ​អោយ​បាន​រី​ក​ចំ​រើន៕