នៅព្រឹកថ្ងៃទី០៧ ខែមាសា ឆ្នាំ២០១៧នេះ អ្នកយកព័ត៌យើងបានរាយការណ៍មកថា មានក្រុមអ្នកកាសែតមួយក្រុមមានគ្នាងប្រហែលជាង២០នាក់ បានចុះទៅថតរថយន្តសាន់យ៉ុង រថយន្តធួរីស រថយន្តកាមរី ដឹកឈើប្រណិតអត់ច្បាប់ចេញពីខេត្តរតនៈគីរី យកទៅលក់នៅប្រទេសវៀតណាម តាមច្រកអូរយ៉ាដាវ បន្ទាប់មកត្រូវបានអនុប្រធានប៉ូលីសអន្តោប្រវេសហៅទៅសាកសួរដេញដោល និងថតកាតការសែតរបស់ពួកគេថែមទៀតផង។ ខាងក្រោមជាវីដេអូរថយន្តដឹកឈើនៅច្រកអូយ៉ាដាវព្រឹកមិញ៖
ពាក់ព័ន្ធទៅនិងការចោទប្រកាន់ថា ប៉ូលីសអន្តោប្រវេសច្រកអូយ៉ាដាវបានឃាត់ខ្លួនអ្នកកាសែតប្រហែលជាង២០នាក់ខាងលើនេះ លោក សុខ-សំអាន អនុប្រធានប៉ូលីសអន្តោប្រវេសច្រកអូយ៉ាដាវបានប្រាប់កម្ពុជាសុវណ្ណភូមិតាមទូរស័ព្ទនៅព្រឹកថ្ងៃទី០៧ដដែលនេះថា លោកមិនបានឃាត់ខ្លួនអ្នកកាសែតនោះទេ លោកគ្រាន់តែហៅអ្នកកាសែតមកនែនាំពីគោលការណ៍របស់ថ្នាក់លើដូចជា៖
ទី០១-អ្នកកាសែតទាំងអស់មុនមកធ្វើការនៅទីនេះត្រូវទៅសុំការអនុញ្ញាតិពីមន្ទីរព័ត៌មានខេត្តជាមុនសិន។ ហើយការយកកាតរបស់អ្នកកាសែតមកថតកាលពីព្រឹកមិញនោះគឺលោកចង់ដឹងថា អ្នកព័ត៌មានទាំងនេះបានចុះបញ្ជីនៅមន្ទីរព័ត៌មានខេត្តហើយឬនៅ?
ទី០២-អ្នកសារព័ត៌មានវាក្លែងបន្លំច្រើនណាសសព្វថ្ងៃ ចឹងកុំអោយវាខូចតំលៃអ្នកសារព័ត៌មានទូទៅព្រោះមានអ្នកល្អអ្នកមិនល្អ។ ចំណុចមួយទៀតគឺនៅចំនុចភូមិសាស្ត្រដែលលោកគ្រប់គ្រងនេះគឺយោងតាមអនុក្រិដ្ឋ ដូច្នេះលោកបានសរសេរផ្លាកហាមបើកបរលឿន ហាមថតរូបភាព មុនថត មុនធ្វើអ្វីមួយត្រូវសហការគ្នា ផ្តល់ព័ត៌មានអោយគ្នាទៅវិញទៅមក ហើយភូមិសាស្ត្រនៅច្រកទ្វារនេះទៀតសោធ ដោយយោងតាមប្រសាសន៍របស់សម្តេចក្រឡាហោម ស-ខេង បានកំណត់ថា ស្លាបឆ្វេង២ពាន់ម៉ែត្រ ស្លាបស្តាំ២ពាន់ម៉ែត្រ ជំរៅចូលមកក្នុងប្រទេស៥ពាន់ម៉ែត្រជាកន្លែងហាមឃាត់ ដូច្នេះដោយពាក់ព័ន្ទតាមអនុក្រិដ្ឋនេះ យើងខ្ញុំមិនអនុញ្ញាតិអោយមកធ្វើសកម្មភាពនៅតំបន់នេះទេ។
លោក សុខ-សំអាន បានបន្ថែមថា ករណីរថយន្តដឹកឈើខុសច្បាប់ជនស៊ីវិលក៏មានសិទ្ធិចូលរួមទប់ស្កាត់ដែរ កុំថាឡើយដល់ទៅសមត្ថកិច្ច។
ពាក់ព័ន្ទទៅនិងសំនួរមួយពីកម្ពុជាសុវណ្ណភូមិបានសួរថា ចុះហេតុអ្វីបានរថយន្តដឹកឈើទាំងខ្សែៗឆ្លងកាត់ច្រកអូយ៉ាដាវ លោកមិនចាប់ តើនេះមកពីមូលហេតុអ្វី? នោះលោក សុខ-សំអាន ថាវាពិបាកនិយាយ ពិបាកបកស្រាយណាស់តាមទូរស័ព្ទ បើចង់ដឹងច្បាស់អោយអ្នកយកព័ត៌មានយើងទៅជួបលោកផ្ទាល់ ស្រួលប្រាប់ ស្រួលនិយាយគ្នា រួចលោកសុខសំអានក៏បានបិទទូរស័ព្ទបាត់ទៅ (សូមចុចស្តាប់បទសំភាសន៍លោក សុខ-សំអាន និងលោក ផ្លុង-រ៉េត)។
សូមបញ្ជាក់ថា នៅព្រឹកថ្ងៃទី០៧នេះមុនខាងប៉ូលីសច្រកអូយ៉ាដាវហៅក្រុមអ្នកកាសែតប្រហែល២០នាក់ខាងលើទៅសួរនាំ អ្នកយកព័ត៌មានយើងបានថតរូបភាពរថយន្តសាន់យ៉ុងដឹកឈើដូចហែកឋិនទានព្រីស្រុកខ្មែរចូលទៅស្រុកយួន តាមច្រកអូយ៉ាដាវ ខេត្តរតនៈគីរី។
លោក ទូច-ណូរ៉ា ប្រធានសមាគនសារព័ត៌មានឃ្លាំមើលកម្ពុជា បានមានប្រសាសន៍ប្រាប់កម្ពុជាសុវណ្ណភូមិតាមទូរស័ព្ទនៅរសៀលថ្ងៃទី០៧ដដែលនេះផងដែរថា ការហៅអ្នកកាសែតម្ភៃសាមសិបនាក់ទៅនែនាំ សាកសួរដេញដោល ថតកាតពីសំណាក់ប៉ូលីសអន្តោប្រវេសនៅច្រកអូយ៉ាដាវខាងលើនេះ គឺមិនត្រឹមត្រូវនោះទេ ហើយទង្វើបែបនេះគឺហាក់មានចេតនាគំរាមកំហែងដល់អ្នកសារព័ត៌មានទាំងស្រុង។ លោក ទូច-ណូរ៉ា បានស្នើសុំ អោយសមត្ថកិច្ចគ្រប់ជាន់ថ្នាក់មានការយោគយល់ និងពិចារណាឡើងវិញចំពោះអ្នកកាសែត កុំអាងតែខ្លួនមានអំណាច ចាប់ចង ចោទប្រកាន់ទៅលើអ្នកកាសែតពេក ព្រោះអ្នកកាសែតគ្មានអាវុធប្រយុតតតាំងអ្វីនោះទេ មានតែស្លាបបការ និងកាមេរ៉ាតែប៉ុណ្ណោះ បើគាត់ធ្វើខុសមែននោះលោកក៏មិនគាំទ្រដែរ តែជៀសវាងសទៅជាខ្មៅ ឈ្មួញដឹកឈើមិនចាប់ទៅចាប់អ្នកកាសែតទៅវិញ ហើយអ្នកកាសែតគឺជាកញ្ចក់ឆ្លុះបញ្ជាំងរឿងរ៉ាវគ្រប់យ៉ាងជូនថ្នាក់ដឹកនាំជ្រាបជាព័ត៌មាន ហើយជាអ្នកដឹកនាំសម្តីថ្នាក់ដឹកនាំជូនរាស្ត្របានស្តាប់បានដឹងបានយល់ ដូច្នេះសូមមេត្តាកុំយកអ្នកកាសែតធ្វើជាផ្ទាំងស៊ីបអោយសោះ (សូមចុចស្តាប់បទសម្ភាសន៍លោក ទូច-ណូរ៉ា និងលោក ផ្លុង-រ៉េត)៕ ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
