បែកធ្លាយក្រុមលោក ទា-គឹមសុទ្ធ បានបាញ់៧គ្រាប់ព្រោះខឹងរឿងសមាជិកសហគមគេហាមមិនអោយ បង់ត្រីនៅតំបន់អភិរក្ស ទេសចរណ៍ធម្មជាតិ បឹងពារាំង?

បែក​ធ្លាយមនុស្សមួយក្រុម ប្រមាណជាង១០នាក់ ត្រូវ​បាន​គេ​ស្គាត់​ថា ម្នាក់​ឈ្មោះ​ ឧកញ្ញា ស៊ីន-គង់ និង​ម្នាក់​ទៀតឈ្មោះ ទា-គឹម​សុទ្ធ អតីតនាយ​ខណ្ឌ​រដ្ឋ​បាល​ព្រៃឈើ​ខេត្តសៀមរាប និង​បច្ចុប្បន្ន​ជាប្រ​ធាន​មន្ទីរ​កសិកម្ម​រុក្ខា​ប្រមាញ់​និង​នេសាទ​ប្រចាំ​ខេត្តសៀមរាប ព្រម​ជាមួយ​និង​បក្ស​ពួក បានបាញ់កំាភ្លើង ៧​គ្រាប់​បង្អើល​សត្វស្លាប និង​បង្កភាពភ័យខ្លាចដល់ភ្ញៀវទេសចរណ៍ជាតិ ​និង​អន្តរជាតិ នៅតំបន់អភិរក្សធម្មជាតិ បឹងពារាំង ស្ថិត​នៅក្នុងសង្កាត់ជ្រាវ ក្រុងសៀមរាប បន្ទាប់ពីពួកគេ ផឹកស្រាស្រវឹង ហើយមានអ្នក ហាម​មិន​ឲ្យ​បង់​ត្រី កាលពីថ្ងៃទី១៧ ខែមេសា ឆ្នាំ២០១៧នេះវេលា​ម៉ោង៦ល្ងាច។

សមាជិកសហគមម្នាក់​បាន​លួច​បង្ហើបប្រាប់ថា អ្នកដែលបាញ់បោះសេរីទាំងនោះ ជាន្ដ្រីមន្ទីរកសិសកម្មផង និងអ្នកមក ទេសចរណ៍ផ្សេងផង ដែលដឹកនាំដោយ លោក ទា គឹមសុទ្ធ ប្រធានមន្ទីរ កសិកម្មខេត្ដសៀមរាប ហើយការ​បាញ់បោះដោយ​​សេរីនោះ ដោយសារស្រវឹងស្រាផង មាន​ការ​ខឹង​សម្បា​និង​សមាជិក សហ​គមន៍​ហាម​មិនឲ្យបង់ត្រី​ក្នុងតំបន់អភិរក្ស ទេសចរណ៍សត្វស្លាប ព្រោះខ្លាចភ្ញៀវទេសចរណ រិះគន់ ខណៈដែល ពួកមន្ដ្រីទាំងនោះ ទៅកំសាន្ដ នៅតំបន់ទេសចរណ៍ ធម្មជាតិនេះ។

ប្រភពព័ត៌មាន បានដឹងទៀតថា ពួកក្រុមមនុស្សទាំងនោះ បានប្រើពាក្យសំដីអសុរស អំ​នួត​ខ្លួន​ជា​អ្នក​មាន​អំ​ណាច និង​ថាខ្លួនជាឧកញ្ញា ហើយ​មើលងាយ​ដល់ប្រជាសហគមន៍ការពារ និងអភិរក្សសត្វផងដែរ។

ទាក់ទង ករណីនេះ លោក ទា គឹមសុទ្ធ ប្រធានមន្ទីរកសិកម្មខេត្ដសៀមរាប ដែលទើបកាន់តំណែងថ្មី បន្ទាប់​ធ្វើ​ជា​នាយ​ខ័ណ្ឌ​រដ្ឋបាលព្រៃឈើ​មិន​បាន​ប៉ុន្មាន​ឆ្នាំផងនោះ បានឲ្យដឹងថា ការបាញ់បោះសេរីនោះ​ មិន​មែន​ជាក្រុមរបស់លោក ហើយលោកក៍មិនបាន ជាប់ពាក់ព័ន្ធដែរ។ លោកទាគឹមសុទ្ធ ព្រមានប្ដឹង សមាជិក​សហគមន៍​ដែល​ចោទប្រកាន់លោកថា ជាអ្នកបាញ់បោះសេរី ព្រោះលោកបានផឹកស៊ីកំសាន្ដ នៅកន្លែងផ្សេង ដោយគ្រាន់តែក្នុងតំបន់ទេសចរណ៍ប៉ុណ្ណោះ។ លោកបានបន្ដទៀតថា លោកទៅតំបន់នោះ ទៅធ្វើការងារ ជាមួយសហគមន៍ និងមានមន្ដ្រី មន្ទីរសុរិយោដីខេត្ដ មន្ដ្រីអាជ្ញាធរជាតិអប្សរា និងសមាជិក សហគមន៍ផ្សេងៗ ជាច្រើនទៀត ហើយថា ក្រុមពួកលោក គ្មានការប្រើប្រាស់អាវុធនោះឡើយ។

ប៉ុន្ដែបើទោះជា​លោក​ ទាគឹមសុទ្ធ ខំយកដៃ​បាំង​មេឃ ឬយក​ចង្អេបាំង​ដំរី​ស្លាប់​យ៉ាងណាក៍ដោយក៏មិន​ជិត​ដែរ ព្រោះលោក គង់ មង្គល ប្រធានសហគមន៍ប្រើ​ប្រាស​ទឹក​សង្កាត់​ជ្រាវ បានឲ្យដឹងថា នៅ​ក្នុង​ក្រុម​បាញ់​បោះ​សេរីនោះ ពួកគាត់ទៅកំសាន្ដ ជាលក្ខណៈអ្នកទេសចរណ៍ ដែលមានលោក ទា គឹមសុទ្ធ ប្រធានមន្ទីរកសិកម្មខេត្ដសៀមរាបផងដែរ ។ ពួកទាំងនោះ មានអាការៈស្រវឹងស្រាផង និងខឹងសមាជិក សគមន៍ហាមឃាត់ មិនអោយរកត្រីក្នុងតំបន់ហាមឃាត់ផង។ លោកបានបន្ដថា ពួកគេប្រើកាំភ្លើងខ្លី បាញ់​៧​គ្រាប់ នៅកណ្ដាលបឹងអភិរក្ស ហើយរបន្សល់​សំបកគ្រាប់កាំភ្លើង​ចំនួន៤សំបក ប៉ុន្ដែមិនស្គាល់ម៉ាក ឯសំបក​៣សំបក​ទៀត​ ត្រូវ​ចាស់​ទំនើងអ្នក​បាញ់​នោះ​រើស​យក​ទៅ​វិញ។ លោកបានបន្ថែមថា ការបាញ់បោះសេរីនេះ ជាទង្វើមួយ អមនុស្សធម៌ ព្រោះជាអ្នកអនុវត្ដច្បាប់ បែជាធ្វើគំរូអាក្រក់ ដល់សហគមន៍ និងបង្ក​ឲ្យមានការ​ភ័យខ្លាច ដល់ភ្ញៀវទេសចរណ៍ ព្រមទាំងធ្វើឲ្យសត្វស្លាបផ្អើលចេញពីតំបន់ កំពុងអភិរក្សផងដែរ។

ប្រជាសហគមន៍សំនូមពរទៅសម្តេច ហ៊ុន សែន និង​ សម្តេច ស​ ខេង មេត្តដុះក្អែលលោក ទា គឺមសុទ្ធ បក្សពួកដែល​បានបាញ់បោះសេរីខាងលើនេះផង។

សូមរំលឹកផងដែរថា លោក ទា គឹមសុទ្ធ កាលពីនៅធ្វើ​ជានាយ​ខណ្ឌ​រដ្ឋ​បាល​ព្រៃឈើ​ខេត្តសៀមរាប ធ្លាប់​បើក​ឡាន​បុកគេ​នៅ​កណ្តាល​ក្រុង​សៀមរាប រួច​បើក​ឡាន​រត់​ គេចវេសពីការពិត កាល​ពី​ពីរ​បី​ឆ្នាំមុននេះ ឥឡូង​ទើប​តែឡើង​ជា​ប្រធាន​មន្ទីរកសិកម្ម​រុក្ខាប្រមាញ់​និង​នេសាមិន​បាន​ប៉ុន្មានខែផង​ ក្លាយជាខ្មាន់កាំភ្លើងដ៏ល្បីឈ្មោះ៕ ដោយ៖ កម្ពុជាសុវណ្ណភូមិ