ម៉ោង១០យប់ថ្ងៃទី១៣ ខែកក្កដា ឆ្នាំ២០១៨ ឈ្មួញរកស៊ីដឹកឈើដ៏ល្បីល្បាញដែលត្រូវបានគេស្គាល់ច្បាស់ថាប្តីឈ្មោះ ទូច ក្បាលធំ ដែលមានបងប្រុសឈ្មោះ ណាក់ ក្បាលធំ (សង្ស័យជាមន្ត្រីប៉េអឹម) បានប្រើរថយន្តជាច្រើនគ្រឿងបើកបំបុករថយន្តអ្នកកាសែត៣គ្រឿង ព្រមទាំងបញ្ជាអោយកូនចៅយកកាំបិត ដាវសាំម៉ូរៃដេញកាប់សម្លាប់អ្នកកាសែត និងយកដុំថ្មគប់បំបែកកញ្ចក់រថយន្តអ្នកសែតខ្ទេចអស់ នៅចំនុចផ្លូវជាតិលេខ៧៨ ស្ថិតក្នុងភូមិ១ ឃុំច្រេស ស្រុកកូនមុំ ខេត្តរតនៈគីរី ខណៈពេលដែលអ្នកកាសែតតាមប្រមាញ់រូបភាពរថយន្តម៉ាកសាន់យ៉ុងពណ៍ស ពាក់ស្លាកលេខ ភ្នំពេញ-2A-0909 ដឹកឈើប្រណិតប្រភេទធ្នង់អត់ច្បាប់ពេញមួយរថយន្ត។
ប្រភពព័ត៌មានបានអោយដឹងថា ដំបូងឡើយរថយន្តសាន់យ៉ុងដឹកឈើធ្នងខាងលើនេះ បានដឹកឈើមកដល់កន្លែងកើតហេតុត្រូវបានរថយន្តអ្នកកាសែតដេញតាមពីក្រោយក្នុងគោលបំណងថតយករូបភាព ហើយពេលនោះរថយន្តសាន់យ៉ុងនេះបានឈប់ តៃកុងឡានចាប់ផ្តើមលើក ទូរស័ព្ទនិយាយ ស្រាប់តែមិនបានប៉ុន្មាននាទីផងតៃកុងឡានសាន់យ៉ុងបានបើកឡានបំបុកគូទឡានអ្នកកាសែត២គ្រឿងដើម្បីបើកផ្លូវ ហើយភា្លមៗនោះគេឃើញរថយន្ត២គ្រឿង មួយម៉ាកតូយូតា ពាក់ស្លាកលេខ ភ្នំពេញ2C-1168 ដឹកមនុស្សពេញៗឡានប្រដាប់ដោយកាំបិត ដាវសាំម៉ូរៃ ដេញកាប់អ្នកកាសែត ហើយខណៈដែលអ្នកកាសែរត់គេចពីការតាមសម្លាប់របស់ពួកគេ មេឈ្មួញឈ្មោះ ទូច ក្បាលធំ នេះបានបញ្ជាអោយកូនចៅយកដុំថ្ម និងបំពង់ទីបវាយកំទេចកញ្ចក់ឡានរបស់អ្នកកាសែតខ្ទេចអស់៣គ្រឿង រួចពួកគេបើកឡានគេចអស់ទាំងឡានដឹកឈើ និងឡានដឹកឃាត្តករ។
អ្នកកាសែតម្នាក់ក្នុងចំណោមអ្នកកាសែតជាច្រើននាក់ក្នុងហេតុការណ៍ខាងលើនេះបានប្រាប់តាមទូរស័ព្ទថា ពួកគាត់មានតែកាមេរ៉ាថតរូប គ្មានកាំបិត គ្មានដាវ គ្មានកាំភ្លើង គ្មានបំពង់ទីប គ្មានដុំថ្ម ដូច្នេះគ្មានអ្វីតបតជាមួយនិងក្រុមឧក្រិដ្ឋជនព្រៃឈើខាងលើនេះទេ មានតែរត់ដើម្បីការពារជីវិតមួយពេលសិន។ អ្នកកាសែតរូបនេះបានន្តថា បន្ទាប់ពីកើតហេតុ ខាងប៉ូលីសចរាចរណ៍ ស្រុកកូនមុំ បាននាំកម្លាំងមកអូសយករថយន្តអ្នកកាសែត២គ្រឿងដែលរងការខូចខាតស្ទើរទាំងស្រុងយកទៅទុកនៅអធិការនគរបាលស្រុកកូនមុំ ហើយបានកោះហៅម្ចាស់រថយន្តអោយចូលខ្លួនបកស្រាយបំភ្លឺនៅរសៀលថ្ងៃទី១៤ ខែកក្កដា ឆ្នាំ២០១៨ម្សិលមិញ តែពួកគាត់កំពុងតែពិភាក្សាក្នុង ថាតើគួរចូលខ្លួនតាមការកោះហៅរបស់ប៉ូលីសឬយ៉ាងណា ព្រោះពួកគាត់មានការបារម្មខ្លាចប៉ូលីសឃាត់ខ្លួនរបស់ពួកគាត់ ព្រោះឈ្មួនឈើខាងលើនេះមានលុយ មានអំណាចទៀតផង។
នៅរសៀលថ្ងៃទី១៥ ខែកក្កដា ឆ្នាំ២០១៨នេះ ក្រុមអ្នកកាសែរងគ្រោះខាងលើបានប្រាប់តាមទូរស័ព្ទថា ពួកគាត់សម្រេចចិត្តទៅបំភ្លឺតាមការកោះហៅរបស់អធិការប៉ូលីសស្រុកកូនមុំ ខេត្តរតនៈគីរី ព្រោះពួកកាត់បានបញ្ជាក់ថា ពួកគាត់គឺជាជនរងគ្រោះ មិនមែនជាជនល្មើសរកស៊ីដឹកឈើខុសច្បាប់ ហើយក៏មិនមែនជាឃាត្តករដែរ។
ក្រុមអ្នកអ្នកតាមដានហេតុការណ៍ខាងលើ សង្ឃឹមថា ខាងប៉ូលីសចរាចរណ៍ និងអធិការស្រុកកូនមុំ នឹងជួយចាប់ជនល្មើសរកស៊ីដឹកឈើឈ្មោះ ទូច ក្បាលធំ នេះមកផ្តន្ទាទោសតាមផ្លូវច្បាប់ និងសងការខូចខាតដល់ក្រុមអ្នកកាសែតខាងលើ ជៀសវាគេរិះគន់ថា ចាប់បានតែរថយន្តអ្នកកាសែត ឯរថយន្តជនល្មើសរកស៊ីខុសច្បាប់ចាប់មិនបាន។
ក្រុមអ្នកកាសែតដែលរងគ្រោះខាងលើ សូមអំពាវនាវ ដល់សមត្ថកិច្ចគ្រប់ជាន់ថ្នាក់នៅខេត្តរតនៈគីរី ជាពិសេសឯកឧត្តមអភិបាលខេត្ត និងលោកព្រះរាជអាជ្ញាលាសាដំបូងខេត្ត មេត្តាចាត់ការឈ្មួញរកស៊ីដឹកឈើប្តីឈ្មោះ ទូច ក្បាលធំ ខាងលើនេះផង ដើម្បីផ្តល់យុត្តិធម៌ដល់ពួកគាត់ ហើយដើម្បីបង្ក្រាបក្រុមឈ្មួញឈើទុច្ចរិត ដោយយោងតាមប្រសាសន៍របស់រាជរដ្ឋាភិបាល ដែលមានប្រសាសន៍ថា សមត្ថកិច្ចគ្រប់ជាន់ថ្នាក់ត្រូវតែបង្ក្រាបបទល្មើសព្រៃឈើអោយខានតែបាន។
យោងតាម រដ្ឋធម្មនុញ្ញ នៃព្រះរាជាណាចក្រកម្ពុជា ក្រមព្រហ្មទណ្ឌ និងច្បាប់របស់រដ្ឋបាលព្រៃឈើបានចែងថា ប្រជាពលរដ្ឋកម្ពុជាក្រប់រូប ទាំងពីរភេព មានសិទ្ធចូលរួមទប់ស្កាត់បទល្មើសព្រៃឈើ ហើយប្រជាពលរដ្ឋកម្ពុជាគ្រប់រូប មានសិទ្ធឃាត់ខ្លួនជនល្មើសដែលប្រព្រឹត្តបទល្មើសជាក់ស្តែង ប្រគល់អោយទៅសមត្ថកិច្ចជំនាញ (បើអស់លោកណាមិនជឿនាំគ្នាទៅរៀន ឬទិញសៀវភៅបើកមើលខ្លួនឯងទៅ)៕ ដោយ៖ ផ្លូង រ៉េត
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.png)
.jpg)
.jpg)
