មេឧក្រិដ្ឋជនព្រៃឈើពីររូបជាមេបញ្ជាការរងយោធាសឹករងស្រុកអន្លង់វែង

មានសេចក្តីរាយការណ៍ពីភូមិសាមគ្គីឃុំ ត្រពាំងប្រិយ ស្រុកអន្លង់វែង ខេត្តឧត្តរមានជ័យ ជាបន្តបន្ទាប់មកថាមានពលករសំពាយឈើប្រភេទឈើនាងនួន បេង និងឈើធ្នង់ ជាច្រើននាក់កំពុងឆ្លងដែន តាមច្រករបៀងនាៗនៅភូមិឃុំខាងលើនៃផ្លូវ ត្រង់ចំនុចយុទ្ធសាស្រ្ត ព្រំដែនខ្មែរថៃ ដោយមានការត្រូវរូងគ្នាជាមួយលោកវរះសេនីយ៍ត្រី ភោគ ភន មេបញ្ជារការយោធាសឹករង ស្រុកអន្លង់វែង។

ថៅកែដែលតែងតែដាក់ទុនអោយពលករឆ្លងដែនទៅប្រទេសថៃដើម្បីលួចកាប់អារឈើកម្រខាងលើយកមកលក់ឱ្យខ្លួនដែលឈរចាំទិញនោះ ដែលគេស្គាល់ទីមួយឈ្មោះ អ៊ុំ សុខា (ហៅង៉ែត) ទីពីរ ឈ្មោះ វិត អ្នកទាំងពីរជាមេបញ្ជារការរងយោធាសឹករងស្រុកអន្លង់វែង។

ជាក់ស្តែងនៅថ្ងៃទី១១ ខែវិច្ឆិកា ឆ្នាំ២០១៨នេះ មានរថយន្តមួយគ្រឿងម៉ាកនីសាន់ពណ៌ត្រីអុី បានចូលទៅភូមិសាស្រ្តខាងលើដើម្បីធ្វើការប្រមូល និងដឹកជញ្ជាូនឈើប្រភេទបេងនិងធ្នង់យកមកស្តុកទុកនៅទីរួមស្រុកអន្លង់វែង ដែលជាទីសុំចតចុងក្រោយមុនពេលយកទៅលក់នៅប្រទេវៀតណាម។ ហើយសកម្មភាពនេះគេប្រព្រឹត្តអស់រយៈពេលជាច្រនឆ្នាំមកហើយ ទើបតែបែក ធ្លាយថ្មីៗនេះថាឈ្មោះទាំងពីរអ្នកខាងលើជាមេខ្លោង។ កន្លងមកមានពលករសំពាយឈើរងគ្រោះស្លាប់និងបាញ់អោយរបួស ពិការរភាពអស់មួយជីវិត និងចាប់ដាក់ពន្ធនាគារពីរ សំណាក់ទាហានថៃដោយសារឆ្លងដែនបំរើផលប្រយោជន៏អោយមេខ្លោងឧក្រិដ្ឋជនព្រៃឈើទាំងពីររូបខាងលើនេះ។

ជុំវិញករណីនេះក្រុមការងាមិនអាចសុំការបំភ្លឺពីលោកអនុសេនីយ៍ឯក អ៊ុំ សុខា (ហៅង៉ែត) មេបញ្ជារការរង យោធា សឹករងស្រុកអន្លង់វែងបានទេ។ ចំណែកលោក វិត បានអោយដឹងតាមទូរស័ព្ទនៅ ថ្ងៃទី១១ ខែវិច្ឆិកា ឆ្នាំ២០១៨នេះថា ពិតជាមានការដឹកជញ្ជូនឈើពីចំណុចខាងលើម៉ែនដោយលោកបានខ្ចីរថយន្តលោកអ៊ុំ សុខា(ហៅង៉ែត)ដើម្បីដឹកឈើ តែជាឈើប្រភេទឈើ ត្រសេក តែប៉ុណ្ណោះ។

ដោយឡែកលោកវរៈសេនីយ៍ត្រី ភោគ ភន មេបញ្ជារការយោធាសឹករងស្រុកអន្លង់វែងក៏មិនអាចសុំការបកស្រាយបានដែរ។ តែយ៉ាងណាក៏ដោយលោកឧត្តសេនីយ៍ទោ តុនញាណមេបញ្ជារការសឹងរងខេត្តមានជ័យបានអោយដងថាម បញ្ហារឿងហ្នឹងលោកអត់បានដឹងទេតែលោកនិងធ្វើការស្រាវជ្រៀវ៕ ដោយ: សុផានុរស្ស