យកកូនទាហ៊ានអោយទៅយាមក្រុមហ៊ុនឯកជន ហើយធ្វើទារុណកម្មដូចសត្វធាតុ

កូនទាហានកងយោធពលខេមរភូមិន្ទកម្ពុជានៃកងពលឆ័ត្រយោង៩១១ ជាច្រើននាក់របស់ឯកឧត្តម ចាបភក្តី ត្រូវបានគេយកទៅយាមរោងចក្រ ខេសុីម៉ងដ៍ នៅស្រុកដងទង់ ខេត្តកំពត ហើយត្រូវលោកមេបញ្ជាការម្នាក់ប្រើច្បាប់ព្រៃ ដោយវាយ កំប៉េះគូថនឹងដំបងជាំឈាមអង្គុយលែងកើត។

យោងតាមប្រភពពត៌មានបានប្រាប់មកថា កូនទាហានទាំង៤០នាក់នោះ មិនចង់ទៅធ្វើកញ្ជះឯកជន ដែលបានប្រាក់ខែបន្ថែម ១ខែតែ$80 នោះទេ ព្រោះមេគ្រប់គ្រងនៅរោងចក្រនោះអនុវត្តន៍វិន័យតឹងរឹងសាហាវឃោឃៅ គឺអ្នកណាអវត្តមាន១ថ្ងៃកាត់$20 ទូទាត់ចុះឡើងៗទៅពួកគាត់គ្មានសល់លុយកាក់អ្វីឡើយ ចុងក្រោយបានតែប្រាក់ខែរដ្ឋដដែល។

ក្រមកូនទាហ៊ានរងគ្រោះទាំងនោះស្នើសុំទៅថ្នាក់ដឹកជាពិសេស សម្តេចពិជ័យសេនា ទៀ បាញ់ ជួយរកយុត្តិធម៌អោយពួកគាត់ផង។ កាសែត កម្ពុជាសុវណ្ណភូមិ មិនទាន់អាចសុំការបកស្រាយពី ឯកឧត្តម ចាបភក្តី និងឯកឧត្តម វង្សពិសេន បានទេព្រោះគ្មានលេខទូរស័ព្ទសម្រាប់ទំនាក់ទំនង។

ដោយ: ផ្លុង-រ៉េត