លោក ផ្លុងរ៉េត អាយុ៣៩ឆ្នាំ បច្ចុប្បន្នស្នាក់នៅភូមិតាចេក សង្កាត់ជ្រាវ ក្រុងសៀមរាប មុខរបរជា ចាងហ្វាងកាសែត កម្ពុជាសុវណ្ណភូមិ ដែលមានទីស្នាក់ការកណ្តាលក្នុងភូមិជ្រាវ សង្កាត់ជ្រាវ ក្រុងសៀមរាប មានគេហទំព័រឈ្មោះ www.ksnews.info និង បណ្តាញសង្គមហ្វេសប៊ុគឈ្មោះ Ret Phlong។
កាលពីថ្ងៃទី១៤ ខែមីនា ឆ្នាំ២០១៩ ម៉ោង៨ព្រឹក លោក ក្អោប រ៉ន ចៅសង្កាត់ជ្រាវ បានកោះអញ្ជើញលោក ផ្លុង រ៉េត ទៅសាលាសង្កាត់ជ្រាវដើម្បីដោះស្រាយបណ្តឹង ដែលលោក គង់ មង្គលប្រធានសហគមន៍ជ្រាវ បានប្តឹងចោទថា ផ្សាយព័ត៌មានមិនពិត បរិហាកេរ្តិ៍ និង បទញុះញង់ បន្ទាប់ពីលោក ផ្លុង រ៉េត បានឡាយផ្សាយព័ត៌មាន រឿងឈូសឆាយដីព្រៃលិចទឹក លក់ដីព្រៃលិចទឹក កាយដីលក់ថាធ្វើបារាយណ៍ ហើយបឹងពារាំងអស់ព្រៃ អស់សត្វ អស់ត្រី មានធម្មជាតិ មិនចេះថែរក្សា តាមបណ្តាញសង្គមឈ្មោះ Ret Phlong។
ភាគីខាងលោក ក្អោប រ៉ន និង លោក គង់ មង្គល់ តម្រូវអោយលោក ផ្លុង រ៉េត ឡាយផ្សាយព័ត៌មានបកស្រាយទទួលថា ខ្លួនបាននិយាយខុសទាំងស្រុង។ តែខាងលោក ផ្លុងរ៉េត ចាងហ្វាងកាសែតកម្ពុជាសុវណ្ណភូមិ សុំអោយលោក គង់ មង្គល សរសេរលិខិតបកស្រាយដោយខ្លូនឯង ប្រគល់ជូនលោក នោះលោក និងចុះផ្សាយអោយ តែខាងលោក គង់ មង្គល មិនព្រមហើយលោក ផ្លុងរ៉េត ក៏បានបដិសេធផងដែរ ក្នុងការបកស្រាយបំភ្លឺសាឡើងវិញជំនួសលោកគង់ មង្គល់ ព្រោះលោកសំអាងថា អ្វីៗដែលលោកបានផ្សាយសុទ្ធតែត្រឹមត្រូវ ហើយជារឿងពិត ជាពិសេសពាក្យសម្តីទាំងឡាយដែលលោកបាននិយាយគឺគ្មានពាក្យណាមួយដែលបានញុះញង់ អោយនរណាម្នាក់ប្រព្រឹត្តបទឧក្រិដ្ឋនោះទេ។
ការចចារមិនត្រូវគ្នា ជាហេតុធ្វើអោយលោក ក្អោប រ៉ន ចៅសង្កាត់ជ្រាវ ជាអ្នកសម្របសម្រួលរវាងលោក គង់ មង្គល និង លោក ផ្លុង រ៉េត ខឹងច្រឡោតតោតតូង បិតសាវនាការដើរចេញពីសាលាសង្កាត់យ៉ាងលឿន ហើយបោះពាក្យសម្តីថា អញ់នឹងប្តឹងឯងទៅតុលាការ។
ដីកាកោះពីតំណាងអយ្យសាលាដំបូងខេត្តសៀមរាប សុំណុំរឿងព្រហ្មទណ្ឌ លេខ ២៧២ ចុះថ្ងៃទី១៤ ខែមីនា ឆ្នាំ២០១៩ ដែលចេញដោយលោក ព្រះរាជអាជ្ញារងអមសាលាដំបូងខេត្តសៀមរាប អញ្ជើញឈ្មោះប្លង់ រ៉េត អោយចូលខ្លូនបំភ្លឺនៅថ្ងៃទី២១ ខែឧសភា ឆ្នាំ២០១៩ វេលាម៉ោង២ និង ៣០នាទីរសៀល ត្រូវបានមន្ត្រីប៉ូលីសសង្កាត់ជ្រាវ យកទៅប្រគល់ជូនសាច់ញាតិរបស់លោក ផ្លុង រ៉េត អោយផ្តិតមេដៃទទួលជំនួស។
រហូតមកដក់ថ្ងៃទី១៨ ខែមីនា ឆ្នាំ២០១៩នេះ លោក ផ្លុង រ៉េត ចាងហ្វាងកាសែតកម្ពុជាសុវណ្ណភូមិមិនទាន់សម្រេចចិត្តនៅឡើយថា គួរចូលទៅបំភ្លឺ ឬមិនទៅនោះទេ ព្រោះដីកាកោះ មិនមែនជាឈ្មោះរបស់លោកទេ។ លោក ផ្លុងរ៉េត បារម្ភថា ក្រែងតុលាការកោះហៅអ្នកផ្សេង ហើយលោកទៅចូលខ្លួនជំនួស វាខុសទៅនឹងនីតិវិធី។
សូមបញ្ជាក់បន្ថែមថា ទាំងលោក គង់ មង្គល ទាំងលោក ក្អោប រ៉ន សុទ្ធតែជាបុគ្គលបំផ្លាញជាតិ ដូចជា លក់ព្រៃលិចទឹកតំបន់បី អោយឈ្មួញឈូសឆាយព្រៃលិចទឹក កាយដីលក់រាប់រយហិកតា យកលេសថា ធ្វើបារាយណ៍អោយសម្តេចសង្ឃ អោយគេលួចឆក់ត្រីក្នុងបឹងពារាំង រៀបគម្រោង សម្លាប់អ្នកកាសែតជាដើម ហើយនៅមានរឿងរាវអាស្រូវជាច្រើនទៀត ដែលបណ្តាលអោយប្រជាពលរដ្ឋនៅសង្កាត់ជ្រាវ មានការខឹងសម្បារមិនគាំទ្រ ហើយបានបោះឆ្នោតទំលាក់ចៅសង្កាត់រូបនេះ កាលពីបោះឆ្នោតឃុំសង្កាត់អាណត្តិមុន៕ ដោយ៖ កម្ពុជាសុវណ្ណភូមិ






ហាងកាហ្វេណូគាររបស់វៀតណាមបីកន្លែង ស្ថិតនៅក្នុងក្រុងសៀមរាប រងការចោទថា គៀបសង្កត់ទៅលើកម្មករស្រីខ្មែរដែលបំរើក្នុងរបស់ខ្លួន និងគំរាមសម្លាប់ បើសិនពួកគេទៅធ្វើការកន្លែងផ្សេង ព្រ...Read more
ក្រោយពីមានការរិះគន់និងកាសែត ក្នុងស្រុកមួយចំនួនចុះផ្សាយពីភាពពុករលួយ របស់មន្ត្រីគយនៅច្រកទ្វារអន្តរជាតិប៉ោយប៉ែតខេត្តបន្ទាយមានជ័យ ដែលបានបើកដៃឲ្យឈ្មួញតូចធំនាំចូលទំ...Read more
ការធ្វើអាជីវកម្មថ្មកែវ នៅចំណុចជួរភ្នំ១៥០ ស្ថិតនៅក្បែវត្តគិរីសិលាកែវ ក្នុងភូមិអន្លង់ស្វាយ ឃុំតាគ្រាម ស្រុកបាណន់ ខេត្តបាត់ដំបង ដែលក្តោបក្តាប់ដោយលោកឧកញ៉ាដ៏វ័យក្មេងម្នាក់ ប្រចាំខេត...Read more
នៅឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង បទល្មើសនេសាទខុសច្បាប់អូសអួនទ្រង់ទ្រាយធំ បានធ្វើសកម្មភាពយ៉ាងគគ្រឹកគគ្រេងនៅដែននេសាទ ជារៀងរាល់ថ្ងៃបាន ម៉ាសេរី ហើយបទល្មើសទាំងនេះមានភ...Read more
លោកអគ្គនាយកដ្ឋានទូរគមនាគមន៍កម្ពុជា មិនទាន់បានធ្វើកំណែទម្រង់ឱ្យបានស៊ីជម្រៅទៅតាមទិសដៅ របស់រាជរដ្ឋាភិបាលអាណត្តិទី ៥ នៅឡើយ ។ ការគ្រប់គ្រងនឹងដឹកនាំរបស់អគ្គនាយកបច្ចុប្បន្នកំពុងបង្កើត បក្...Read more
សិប្បកម្មឈ្មោះ ទូ ហៀង (យាយម៉ាប់)កំពុងក្លាយទៅជាទីតាំងស្តុកឈើនិងលក់ឈើប្រណិតនៅក្នុងឃុំមេម៉ង់ ស្រុកកែវសីមា ខេត្តមណ្ឌលគីរី ហើយក៏ជាជើងខ្លាំងល្បីឈ្មោះបោះសំឡេងជាច្រើនឆ្នាំមកហើយ...Read more
យោងតាមប្រភពព័ត៌មាននៅព្រឹកថ្ងៃទី១៤ ខែកញ្ញា ឆ្នាំ២០១៤ នេះបានអោយដឹងថា ឧត្តមសេនីយ៍ផ្កាយ២ឈ្មោះ គឹម-ម៉ាវិន្ថា ត្រូវបានប៉ូលិសក្រសួងមហាផ្ទៃធ្វើការសហការណ៍ជាមួយអាជ្ញាធរប្រទេសថៃចាប...Read more
ភ្នាក់ងារទូរទស្សន៍២ស្ថាប័នគឺលោក ផូ ប៊ុនថន ភ្នាក់ងារហង្សមាស និងលោក កែ វុទ្ធី ភ្នាក់ងារ ទូរទស្សន៍ប៉ុស្តិ៍លេខ៥ ត្រូវបានជនស៊ីវិលម្នាក់ចេញពីប៉ុស្តិនគរបាលការពារព្រំដែនចំបក់នៃវរះ៨១៥ដេញ...Read more
| ថ្ងៃនេះ | 1233 | នាក់ |
| ម្សិលមិញ | 2319 | នាក់ |
| សប្ដាហ៍នេះ | 1233 | នាក់ |
| ខែនេះ | 16776 | នាក់ |
| ឆ្នាំនេះ | 299428 | នាក់ |
| សរុប | 57650824 | នាក់ |
| ថ្ងៃទី 08 ខែ 06 ឆ្នាំ 2026 ម៉ោង 09:56 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

