លោកជំទាវ ឧកញ្ញ៉ា បណ្ឌិត លី អ៊ុំអេង អគ្គនាយិកាក្រុមហ៊ុនលីអ៊ុំអេង បានយកថវិការជាច្រើនដុល្លារអាមេរិកទៅឧបត្ថមដល់សាលាឃុំខ្នារសណ្តាយ

កាលពីរសៀលថ្ងៃទី០៤ ខែកក្កាដា ឆ្នាំ២០១៩ លោកជំទាវ​ ឧកញ្ញ៉ា បណ្ឌិត លី អ៊ុំអេង អគ្គនាយិកាក្រុម​ហ៊ុន​លីអ៊ុំអេង បាន​យក​ថវិការ​ចំនួន៣ពាន់ដុល្លារអាមេរិក​ទៅ​​ឧបត្ថម​ដល់​សាលាឃុំខ្នារ​សណ្តាយ ស្ថិត​ក្នុង​ស្រុក​បន្ទាយ​ស្រី ខេត្តសៀមរាប។

លោកជំទាវ​ ឧកញ្ញ៉ា បណ្ឌិត លី អ៊ុំអេង បាន​ប្រាប់​កាសែត​កម្ពុជា​សុវណ្ណភូមិ​ថា ថវិការ​៣ពាន់​ដុល្លារ​នេះ គឺ​សម្រាប់​ជួយ​ដល់​សាលា​ឃុំ​ខ្នារ​សណ្តាយ ក្នុង​ការ​ក្រាល​ការ៉ូ​នៅ​មុខ​សាលាឃុំ និង​រៀប​ចំធ្វើ​សួនច្បារ​នៅមុខ​ឃុំ​ផងដែរ។

សូមរំលឹក​ផង​ដែរថា កាលពី​ព្រឹក​​ថ្ងៃដដែល​នេះលោក​ជំទាវ​ក៏បាន​នាំ​យក​ថវិការ​ សៀវភៅប៉ិច​ ប្រគេន​ដល់​ព្រះ​សង្ឃ លោកយាយ​លោកតា លោកគ្រូអ្នក​គ្រូ និង​សិស្សា​នុសិស្ស​ជាង​៦រយនាក់ នៅ​សាលា​រៀន​ត្រគៀត ក្នុង​ឃុំ​មុខប៉ែន ស្រុក​ពួក​ខេត្តសៀមរាបផងដែរ។ បន្ថែម​ពីនេះ​​លោក​ជំទាវ​​ឧកញ្ញ៉ា បណ្ឌិត លី អ៊ុំអេង បាន​ឧបត្ថម​ថវិការ​៣២០០ដុល្លារ​ធ្វើ​ផ្លូវ​ចូល​សាលា​ត្រគៀត និង​៨០០ដុល្លារ​ ធ្វើ​ខ្លោង​ទា្វរ​សាលារៀង​ត្រគៀង។

គេ​សង្កេត​ឃើញថា ឧកញ្ញ៉ា បណ្ឌិត លី អ៊ុំអេង តែង​តែ​ចែក​រំលែក​ថវិការ​ផ្ទាល់​ខ្លួន​ដល់ជនក្រីក្រ​ សិស្សានុសិស្ស លោកតាលោកយាយ និង​ព្រះសង្ឃក្នុង​ការ​សាង​សង់​វត្តអារ៉ាម ដែល​ជា​ចំ​ណែក​មួយ​ក្នុង​ការ​កាត់​បន្ថយ​ភាព​ក្រីក្រ​តាម​យុទ្ធសាស្ត្រ​ចតុកោណ​​របស់​រាជ​រដ្ឋា​ភិបាលកម្ពុជា៕ ដោយ៖ ផ្លុង រ៉េត