អ្នកស្រី លៀម មុំ ម្ចាស់កសិដ្ឋានចិញ្ចឹមជ្រូកដ៏ស្អុកកខ្វក់មួយ ស្ថិតក្នុងភូមិទ្រាំង សង្គាត់ស្លក្រាម ក្រុងសៀមរាប បានលួចលាក់ស្តុកឈើប្រណិតអត់ច្បាប់ជាច្រើនម៉ែត្រគូប នៅក្នុងកសិដ្ឋានផង នៅក្នុងផ្ទះផង និងនៅខ្ទមមុខកសិដ្ឋានផង ដែលត្រូវបានសមត្ថកិច្ចរកឃើញបន្ទាប់ពីសមត្ថកិច្ច និងមន្រ្តីជំនាញបានចុះត្រួតពិនិត្យកសិដ្ឋាន បំពុលបរិស្ថាន និងបំពុលប្រជាពលរដ្ឋ ដែលរស់នៅក្នុងភូមិជាមួយ។
កាលពីថ្ងៃទី០៣និងទី០៤ ខែតុលា ឆ្នាំ២០១៩ សមត្ថកិច្ចចម្រុះ មានដូចជា ១.ប៉ូលីសសេដ្ឋកិច្ចខេត្ត ដែលដឹកនាំដោយ ឯកឧត្តម ម៉ក់ ធារ៉ា ស្នងការរងទទួលបន្ទុកផែនបង្ក្រាបបទល្មើសសេដ្ឋកិច្ច ២.ខាងរដ្ឋបាលព្រៃឈើ ដឹកនាំដោយលោក អ៊ឹង ធារ៉ា នាយផ្នែករដ្ឋបាលព្រៃឈើបន្ទាយស្រី ដែលបញ្ជាដោយលោក ជូន សុបញ្ញា ព្រះរាជអាជ្ញារងតំណាងអេយ្យការអមសាលាដំបូងខេត្តសៀមរាប បានចុះបង្ក្រាបបទល្មើសព្រៃឈើដែលឈ្មោះ លៀម មុំ ភេទស្រី អាយុ៤៤ឆ្នាំ បានលាក់ទុកនៅក្នុងផ្ទះ និងនៅក្នុងកសិដ្ឋានចិញ្ចឹមជ្រូក។
ឈើដែលសមត្ថកិច្ចរកឃើញមាន: ឈើលេខ១ប្រភេទសុក្រមចំនួន ៣៧៧ដុំ ស្មើនឹង២៣.៨៤០ម៉ែត្រគូប ឈើប្រណិតប្រភេទធ្នង់ចំនួន ១២០ដុំស្មើនឹង ១.២០០ម៉ែត្រគូប សរុបស្មើនឹង២៥.០៤០ម៉ែត្រគូប គ្មានវិក័យប័ត្រចំនួន១០.៤០ម៉ែត្រគូប ដែលត្រូវបានជំនាញដកហូតនិងផាកពិន័យទៅតាមផ្លូវច្បាប់។ ឈើដែលសមត្ថកិច្ចរកឃើញទាំង៣កន្លែងនេះ មាន១កន្លែងដែលលាក់ទុកនៅក្នុងខ្ទមមុខកសិដ្ឋាន ជារបស់ឈ្មោះ អេង សុម៉ាលីន ភេទស្រី អាយុ៣៨ឆ្នាំ ជាអ្នកស្នាក់នៅបណ្តោះអាសន្ន ទល់មុខកសិដ្ឋានសម្អុយរបស់លៀមមុំ។
សូមបញ្ជាក់ថា នៅម៉ោង៩ព្រឹកថ្ងៃទី០៣ ខែតុលា ឆ្នាំ២០១៩ នៅពេលឈ្មោះ លៀម មុំ មិនទាន់បើកទ្វាររបងកសិដ្ឋានអោយសមត្ថកិច្ចចូល ឈ្មោះ រ៉េ ភេទប្រុស អាយុប្រហែលជាង៥០ឆ្នាំបានជិះម៉ូតូទាំងត្រហេបត្រហបមកដល់មុខសមត្ថកិច្ច និងអ្នកកាសែត ហើយបាននិយាយថា “ខ្ញុំឈ្មោះ រ៉េ ម្ចាស់ឈើគេអោយខ្ញុំមកចចារជាមួយបងៗសមត្ថកិច្ច បងៗយកលុយប៉ុន្មាន ជាថ្នូរកុំចាប់ឈើខាងលើនេះ?” សមត្ថកិច្ចក្រវីក្បាលហើយឆ្លើយនៅមុខអ្នកកាសែតថា “សុំទោសផង មិនអាចធ្វើបានទេ”។ នៅពេលសមត្ថកិច្ចចូលដល់ក្នុងកសិដ្ឋានដែលស្តុកឈើចំនួន១០ម៉ែត្រគូប សមត្ថកិច្ចបានសួរទៅលៀមមុំថាឈើបានមកពីណា ឯលៀមមុំ បានប្រាប់សមត្ថកិច្ចថា ឈើទិញទុក២ឆ្នាំហើយទុកធ្វើផ្ទះ។ សមត្ថកិច្ចសួររកឯកសារទិញឈើ លៀម មុំ ថា២ឆ្នាំហើយ ប្រហែលបាត់អស់ហើយ លុះប្រហែលបីបួនម៉ោងក្រោយមកកូនស្រីរបស់លៀម មុំបានកាន់វិក័យប័ត្រ៤សន្លឹង មកប្រគល់អោយសមត្ថកិច្ច ដែលវិក័យប័ត្រនេះ ចេញដោយដេប៉ូលក់ឈើឈ្នោះ តារ៉េ ដែលត្រូវបានមហាជន និងអ្នកកាសែតសង្ស័យថា វិក័យប័ត្រនេះ ទី១.ទើបតែសរសេរថ្មីៗ បន្ទាប់ពី តារ៉េ ចចារជាមួយសមត្ថកិច្ចមិនត្រូវនៅមុខអ្នកកាសែត ទី២.លៀម មុំ បានប្រាប់សមត្ថកិច្ចថា ឈើនេះទិញពីរឆ្នាំហើយ ទុកធ្វើផ្ទះ តែវិក័យប័ត្រ ចុះថ្ងៃខែតាំងពីឆ្នាំ២០១៤ ទី៣.ពលរដ្ឋនៅក្បែរលកសិដ្ឋាននេះ បានប្រាប់ថា ឈើនេះទើបតែដឹកយកមកដាក់ពេលយប់ៗ មិនទាន់បាន១ឆ្នាំនៅឡើយទេ ទី៤.ទឹកប៉ិចដែលសរសេរនៅលើវិក័យប័ត្រនេះថ្មីចែស បើធ្វើកោសល្យវិច័យច្បាស់ជាដឹងច្បាស់ ទី៥.លៀម មុំថាទិញឈើនេះ២ឆ្នាំហើយ ដូច្នេះវាគួរតែនៅលើវិក័យប័ត្រសរសេរឆ្នាំ២០១៧ ទើបបានវាត្រឹមត្រូវ មិនមែនឆ្នាំ២០១៤ដូចនៅលើវិក័យប័ត្រនោះទេ។
ពលរដ្ឋនៅភូមិទ្រាំងនេះបានលួចបង្ហើបថា លៀម មុំ ជាស្រីកំណាន់របស់ម្ចាស់ដីជាបុរស់វ័យចំណាស់ម្នាក់ ដែលឧត្តមភរិយាស្របច្បាប់ និងកូនៗរបស់គាត់រស់នៅឯប្រទេសអូស្ត្រាលី ឯណោះ ហើយលៀមមុំ ធ្លាប់បានតាំងខ្លួនជាប្រពន្ធស្របច្បាប់របស់បុរស់រូបនេះ ឃុបឃិតគ្នា ក្លែងបន្លំឯកសារសាធារណះ ដោយលួចផ្តិតមេដៃជំនួសប្រពន្ធគេលក់ដីអស់១១ប្លង់ ត្រូវបានប្រពន្ធកូនគេប្តឹងឡើងតុលាការជាប់គុគអស់រយះពេល២០ថ្ងៃទើបតែចេញ ហើយការប្តឹងផ្តល់នេះឡើងដល់សាលាឧទ្ធរណ៍ហើយ មិនទាន់ចប់នៅឡើយទេ។
កូនប្រុសកូនស្រីរបស់បុរស់ម្ចាស់ដីកសិដ្ឋានខាងលើនេះ បានខលទូរស័ព្ទពីប្រភេសអូស្ត្រាលីមកកាសែតកម្ពុជាសុវណ្ណភូមិថា លៀម មុំ មិនមែនជាប្រពន្ធស្របច្បាប់របស់ឪពុកគាត់ទេ លៀម មុំ ជាសាហាយរបស់ឪពុកគាត់តែប៉ុណ្ណោះ ហើយលៀម មុំ បានកេងប្រវ័ញ្ញយកទ្រព្យសម្បត្តិរបស់ពួកគាត់ ដែលជាកេរមរតក និងជាទ្រព្យរួមរបស់ឪពុកគាត់ជាមួយម្តាយគាត់ ដែលខិតខំរកបានមកតាំងពីបាតដៃទទេ។ ពួកគាត់បន្ថែមតាមទូរស័ព្ទទៀតថា ការប្តឹងប្តល់ នៅមិនទាន់ចប់ទេ រវាងលៀមមុំស្រីកំស្នេហ៍របស់ឪពុកគាត់ និងពួកគាត់ជាកូនៗស្របច្បាប់ពិតប្រាកដ។
ប្រភពពីពលរដ្ឋមួយចំនួនសុំមិនបញ្ចេញឈ្មោះបានលួចខ្សឹបប្រាប់ ចាងហ្វាងកាសែត កម្ពុជាសុវណ្ណភូមិថា លៀម មុំ មានខ្នងបង្អែកម្នាក់នៅធ្វើការក្នុងតុលាការខេត្តសៀមរាប ដែលជាប់ពាក់ព័ន្ធជាមួយរឿងក្តី និងជាមួយរឿងឈើ តែកម្ពុជាសុវណ្ណភូមិសូមលាក់ទុកសិន មិនទាន់បញ្ចេញឈ្មោះទេ តែសុំអោយអ្នកនៅក្រោយខ្នងលៀមមុំនេះដកខ្លួនចេញទៅកុំអោយប៉ះពាល់ដល់កិត្តិយសរបស់ខ្លួន ព្រោះលៀមមុំ ជាមនុស្សមិនសមនិងរាប់អានទេ។
ជាចុងក្រោយកូនៗដែលនៅអូស្ត្រាលី និងប្រជាពលរដ្ឋដែលបានដឹងហេតុការណ៍នេះ ស្នើសុំទៅលោក នួន ពុទ្ធារ៉ា អភិបាលក្រុងសៀមរាប លោកឯកឧត្តម ទិត្យ ណារ៉ុង ស្នងការខេត្តសៀមរាប លោក ម៉ុង ប៊ុនលីម នាយរដ្ឋបាលព្រៃឈើខេត្តសៀមរាប លោក កើត វណ្ណរ៉េត ព្រះរាជអាជ្ញាសាលាដំបូងខេត្តសៀមរាប ជាពិសេសឯកឧត្តម ទៀ សីហា អភិបាលខេត្តសៀមរាប មេត្តាសិក្សាករណីបទល្មើសព្រៃឈើខាងលើសាជាថ្មីឡើងវិញ ហើយផ្តន្ទាទោសអ្នកស្រី លៀម មុំ ទៅតាមផ្លូវច្បាប់ ដើម្បីអោយពលរដ្ឋបានស្ងប់ចិត្ត និងមានការជឿជាក់ទៅលើប្រព័ន្ធច្បាប់ និងជឿជាក់ទៅលើថ្នាក់ដឹកនាំ៕ ដោយ:ផ្លុង រ៉េត
.jpg)
.jpg)
.jpg)
.png)
.jpg)
.jpg)
