លោក ប៉ែន យ៉ែម កំពុងស្រែកយំដង្ហើយហៅសម្តេច ហ៊ុន សែន នាយករដ្ឋ មន្ត្រីនៃព្រះរាជាណាចក្រកម្ពុជា អោយជួយគ្រួសារដ៏កម្សត់របស់គាត់ផង ព្រោះអាជ្ញាធរខេត្តសៀមរាប បានចេញសេចក្តីជូនដំណឹង(ស.ជ.ណ) អោយគាត់រុះរើផ្ទះចេញពីដីមួយកន្លែងដែលគាត់បានរស់នៅជិត១០ឆ្នាំហើយ ស្ថិតនៅក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប។
លោក ប៉ែន យ៉ែម មានវ័យ ៦០ឆ្នាំ មានមុខរបរជាជាងជួសជុលម៉ូតូ ជាងប៉ះកង់ មានភរិយាម្នាក់អាយុស្របាគ្នា និងកូនស្រីតូចៗចំនួន ០៣នាក់ ដែលកំពុងរស់ក្នុងបន្ទុកគ្រួរសារហាមាត់ដូចចាបរងចាំចំណី ហើយបច្ចុប្បន្ន ខ្ទមប្រក់ស័ង្កសីដ៏តូចចង្អៀតរបស់គាត់ ស្ថិតនៅលើដងផ្លូវ៦០ម៉ែត្រ ខាងលិចថ្នល់ ខាងជើងតារ៉ាងបាល់ទាត់ប្រហែល២០០ម៉ែត្រ មានក្បាលដីប្រវែង ០៦ម៉ែត្រ និង បណ្តោយ ៣៥ម៉ែត្រ ក្នុងភូមិឃុំខាងលើ។
លោក ប៉ែន យ៉ែម និង ភរិយា ព្រមជាមួយកូនៗតូចៗ បានលើកម្រាមដៃ១០ សំពះ លាយឡំជាមួយទឹកភ្នែកហូររហាម ប្រាប់អ្នកកាសែតកម្ពុជាសុវណ្ណភូមថា លោកបានមករស់លើដីនេះ អស់រយះពេល០៩ឆ្នាំហើយ កាលដើមឡើយដីដែលគាត់រស់នៅនេះ ជាដីព្រៃក្រឡិចក្រឡុក គ្មានអ្នកណាគេចាប់អារម្មណ៍ទេ ឃើញដូច្នេះ ស្របគ្នាជាមួយជីភាពក្រីក្រ គ្មានផ្ទះសំបែង គ្មានដីធ្លី លោកក៏បានសម្រេចចិត្តមកធ្វើខ្ទមនៅទីនេះ ហើយប្រកបរបរជាជាងប៉ះកង់ ជាងជួសជុលម៉ូតូរហូតដល់សពថ្ងៃ។ លោកប៉ែនយ៉ែមបានបន្តថា កាលពីពីរឆ្នាំមុន លោកធ្លាប់បានដាក់សំណើរទៅមេភូមិចុងកៅស៊ូ និងចៅសង្កាត់ស្លក្រាម សុំធ្វើកម្មសិទ្ធិកាន់កាប់ដីនេះដោយស្របច្បាប់ តែមេភូមិមិនធ្វើអោយ ចំណែកចៅសង្កាត់វិញថា នៅសិនទៅវាមិនអីទេ និយាយ ដដែលៗជាច្រើនដង។ លុះដល់ថ្ងៃទី១៥ ខែកក្កដា ឆ្នាំ២០១៩ លោក ប៉ែន យ៉ែម បានធ្វើលិខិតមួយច្បាប់ដាក់ទៅរដ្ឋបាលខេត្តសៀមរាប តាមរយះលោកមេភូមិចុងកៅស៊ូ លោកចៅសង្កាត់ស្លក្រាម និងលោកអភិបាលក្រុង ដើម្បីស្នើសុំធ្វើកម្មសិទ្ធិកាន់កាប់សាជាថ្មីម្តងទៀត តែជាអកុសល្យ ត្រូវបានឯកឧត្តម លី សំរិទ្ធ អភិបាលរងខេត្តសៀមរាប បានចេញលិខិតជូនដំណឹង ដ៏រន្ធត់មួយ ដែលមានខ្លឹមសារក្នុងកម្មវត្ថុថា “ត្រូវធ្វើការរុះរើសំណង់របស់លោកស្ថិតលើក្បាលដីលេខ ៣៨៩៧ ដែលជាក្បាលដីរបស់រដ្ឋ ស្ថិតក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប” ក្នុងរយះពេល១៥ថ្ងៃគិតចាប់ពីថ្ងៃទទួលដំណឹងនេះ។
ស.ជ.ណ របស់រដ្ឋបាលខេត្តសៀមរាប លេខ ១២០៤/១៩ ចុះថ្ងៃទី២៣ ខែកញ្ញា ឆ្នាំ២០១៩ ចុះហត្ថលេខាដោយ ឯកឧត្តម លី សំរិទ្ធ បានប្រគល់អោយលោក ប៉ែន យ៉ែម នៅថ្ងៃទី០២ ខែតុលា ឆ្នាំ២០១៩។
កាលពីរសៀលថ្ងៃទី០៨ ខែតុលា ឆ្នាំ២០១៩ លោក ខៀវ សត ចៅសង្កាត់ស្លក្រាម បានប្រាប់ចាងហ្វាងកាសែត កម្ពុជាសុវណ្ណភូមិថា ដីដែលលោក ប៉ែន យ៉ែម រស់នៅនេះ បានដោះស្រាយគោលនយោបាយជាមួយអាជ្ញាធរអប្សរារួចហើយ ដូចនេះដីនេះ ក្លាយជាដីរបស់រដ្ឋ ពុំអាចប្រគល់អោយលោក ប៉ែម យ៉ែម បានទេ ព្រោះលោកប៉ែនយ៉ែមរស់នៅលើដីរដ្ឋ ហើយក៏គ្មានគោលនយោបាយដោះដូរអ្វីដែរ។
លោក ប៉ែន យ៉ែម និង ភរិយា ព្រមទាំងកូនតូចៗ បានស្នើសុំទៅ សម្តេច ហ៊ុន សែន មេត្តាជួយដោះស្រាយជូនគាត់ផង បើអាជ្ញាធរដេញពួកគាត់ តើអោយពួកគាត់ទៅរស់នៅឯណា ព្រោះមិនមានផ្ទះសំបែង ដីធ្លីផ្សេងទៀតទេ។
សូមរំលឹងផងដែរថា សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាធ្លាប់មានប្រសាសន៍ថា បើពលរដ្ឋគាត់រស់នៅអាស្រ័យផងយូរឆ្នាំហើយ អោយពួកគាត់ទៅ ព្រោះដីនោះជាដីរបស់រដ្ឋ មិនដី…លោកឯងឯណា៕ ដោយ: ផ្លុងរ៉េត
.jpg)
.jpg)
.jpg)
.png)
.jpg)
.jpg)
ប្រជាពលរដ្ឋខ្មែរជាច្រើនជំនាន់ សុទ្ធតែបានស្គាល់ពីគុណប្រយោជន៍នៃដើមរាំងទឹក ដែលភាគច្រើនដុះនៅជុំវិញបឹងទន្លេសាប និងដុះនៅតាមបឹង អូរ ត្រពាំង តែបច្ចុប្បន្នដើមរាំង គឺជាមុនស្នេហ៍ទាក់ទាញ...Read more
នៅក្នុងប្រទេសនីមួយៗ មានមនុស្សរស់នៅចំរុះជាតិសាសន មានអ្នកក្រមានអ្នកមាន អ្នកតូចអ្នកធំ អ្នកខ្ពស់អ្នកទាប មានអ្នកចេះមានអ្នកល្ងង់ មានអ្នកស្នេហាជាតិមានអ្នកបំផ្លាញជាតិ មានអ្នក...Read more
មន្ត្រីរាជការនៃមន្ទីរធម្មការខេត្តពោធិ៍សាត់បានឲ្យដឹងថា ការដែលឈ្មោះ ពេជ្រ ចន្ថា ប្រព្រឹត្តអំពើពុករលួយតាមរយៈកេងប្រវ័ញ្ចថវិកាជាតិ និងថវិកាចំណាយលើគម្រោងផ្សេងៗនោះគឺមានការបើកដៃពីលោក នូ...Read more
បុរស់ម្នាក់ឈ្មោះ យន់សុធា អាយុ៣៣ឆ្នាំ រស់នៅភូមិគ្រួស សង្កាត់ស្វាយដង្គំ ក្រុងសៀមរាប ត្រូវបានគ្លីនិកឯកជនមួយដែលមានយីហោ គ្លីនិកសុខភាព ស្ថិតនៅភូមិគ្រួស តាមផ្លូវជាតិលេខ៦ ខាងកើតភ្លើងស្តុបទន្លេសាប បានព្...Read more
មានសេចក្តីរាយការណ៍មកថា មានប៉ូលិសផ្កាយបីម្នាក់ធ្វើការនៅក្រសួងមហាផ្ទៃ បានធ្វើការអន្តរាគមន៍ ទៅតុលាការខេត្តកណ្តាលអោយមានការដោះលែងមេឈ្មួញ ជាជនជាតិ យួន រកស៊ីកាត់តរថយន្ត ដំឡើងរថយន្ត...Read more
យោងតាមប្រភពព័ត៌មានបានអោយដឹងថា នៅព្រឹកថ្ងៃទី១២ ខែវិច្ឆកា ឆ្នាំ២០១៥នេះ សមត្ថកិច្ចក្រុងបាត់ដំបងចាប់បានជនសង្ស័យ ដែលបានចាប់ខ្លួននាងក្រមុំអាយុ១៨ឆ្នាំ កំពុងលាងសណ្តែកនៅផ្ទះ...Read more
អាជ្ញាធរក្រុង ហែរហមអមដោយសមត្ថកិច្ចចំរុះ និងដឹកនាំដោយលោក សោម សម្បត្តិ អភិបាលរងក្រុងទទួលបន្ទុកផ្នែកសណ្តាប់ធ្នាប់ និងចូលរួមដោយកញ្ញា ទីវ គឹមកល្យាណ ព្រះរាជអាជ្ញារងសាលាដំបូងខេត្ត...Read more
យោងតាមសេចក្តីរាយការណ៍ពីពលរដ្ឋនៅខេត្តបន្ទាយមានជ័យ កាលពីប៉ុន្មានថ្ងៃកន្លងទៅថ្មីៗនេះបានអោយដឹងថា លោក ឡុង-សំអឿន ប៉ូលីសសេដ្ឋកិច្ចក្រសួងសក្តិបី បានដេញថ្លៃយកតំណែងរបស់លោក ហុក-...Read more
នៅលើភិភពលោកនេះ គ្មាននរណាម្នាក់ចង់អោយប្រទេសជាតិមានសង្គ្រាមកើតឡើងនោះទេ សង្គ្រាមអាចធ្វើអោយប្រទេសជាតិធ្លាក់ដុនដាមខាងផ្នែកសេដ្ឋកិច្ច សង្គ្រាមអាចធ្វើអោយមនុស្សស្លាប់ បែកបាក់ព...Read more
ក្រុមប្រជាពលរដ្ឋបាននិយាយរិះគន់ខ្លាំងៗថាបន្ទាប់ពីលោក ស៊ឹមសំអាត ត្រូវបានតែងតាំង ជាមេប៉ូលិសអន្តោប្រវេសន៍ ប្រចាំច្រកទ្វារអន្តរជាតិ ប៉ោយប៉ែតជំនួសលោក សៅ ប៊ុនរិទ្ធ ដែលត្រូវ...Read more
| ថ្ងៃនេះ | 673 | នាក់ |
| ម្សិលមិញ | 2174 | នាក់ |
| សប្ដាហ៍នេះ | 673 | នាក់ |
| ខែនេះ | 38136 | នាក់ |
| ឆ្នាំនេះ | 532600 | នាក់ |
| សរុប | 57883996 | នាក់ |
| ថ្ងៃទី 17 ខែ 08 ឆ្នាំ 2026 ម៉ោង 06:21 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net