អនាគតពលរដ្ឋដែលបានទិញអចលនទ្រព្យមួយចំនួននឹងមានផលប៉ះពាល់ធ្ងន់ធ្ងរ

ក្រុមហ៊ុនលក់អចលនទ្រព្យដ៏សម្បូរបែប​ទាំងតូចទាំងធំ​នៅក្នុងខេត្តសៀមរាប ប៉ុន្មានឆ្នាំចុងក្រោយនេះ ធ្វើ​អោយទីផ្សាដីធ្លីនៅតែមានសន្ទុះទៅមុខ បើទោះជាមានជំងឺកូវី១៩​ រាត​​ត្បាត​ពាសពេញពិភពលោក និងប្រទេសកម្ពុជា​ក៏ដោយ ប៉ុន្តែអ្វីដែលគួរអោយព្រួយបារម្ភបំផុតនោះគឺ ក្រុមហ៊ុនអចលនទ្រព្យមួយចំនួន បោកប្រាសអតិថិជនខ្លួនឯង អំពីសេវាកម្មជាច្រើន ដែលខ្លួនបានសន្យា​ហើយមិន​អនុវត្ត និងក្រុមហ៊ុនខ្លះបើក​អាជីវកម្មគ្មានច្បាប់ទំលាប់ត្រឹមត្រូវ។

ក្រុមហ៊ុន ឬក្រុមបុគ្គល​ដែលលក់អចលនទ្រព្យមួយចំនួនមិន​បាន​អនុវត្តតាមគោកការណ៍ច្បាប់​របស់ក្រសួងពាណិជ្ជកម្ម ឬស្ថាប័នពាក់ព័ន្ធនោះទេ ដោយលួចបើកការិយាល័យដើម្បី ​ពុះដីឡូតិ៍ សង់ផ្ទះល្វែង សង់វីឡា សង់ខុនដូរ លក់ចែកជូនអោយអតិថិជន ដោយអះអាងថា ក្រុមហ៊ុនរបស់គេមានច្បាប់ទំលាប់​ត្រឹមត្រូវ ហើយធានាអះអាងដោយផ្ទាល់មាត់ថា គម្រោងរបស់ពួកគេ មានប្លង់រឹង មានភ្លើង មានផ្លូវ មានប្រព័ន្ទលូបង្ហូរទឹក តាម​ស្តង់ដាដែល​រដ្ឋ​តម្រូវអោយមាន តែតាមការពិតអ្វីៗគ្រាន់តែជាក្តីស្រមៃ របស់អតិថិជនដែលបានស្តាប់លឺតែប៉ុណ្ណោះ ពេលម្ចាស់អចលនទ្រព្យទាំងនោះលក់អស់គម្រោង ក៏វេច​បង្វិចលុយហោះហើរទៅបាត់ ឯពលរដ្ឋដែលទិញអចលនទ្រព្យខ្លះបានត្រឹមឈរសម្លឹងមើលបង្គោល​ភ្លើងអត់មានខ្សែ ឬឈរសម្លឹងមើលបង្គោលភ្លើងដែលមានតែអំពូលសូឡាបន្តោង១គ្រាប់ៗតេកតោកៗតែប៉ុណ្ណោះ។

ចំណែកឯពលរដ្ឋខ្លះទិញដីឡូតិ៍យូរឆ្នាំហើយ តែធ្វើ​ប្លង់រឹងមិន​បាន បំបែកក្បាលដីមិន​បាន​ ពេលទូរស័ព្ទសួរម្ចាស់ដីឡូតិ៍ អស់លោកថៅកែទាំងនោះ សន្យាថ្ងៃនេះថ្ងៃនោះ គឺសន្យាខ្យល់តែរហូត។ អ្នក​ទិញដីឡូតិ៍ វីឡា បង់រំលោះភាគច្រើនជាអ្នក​មិន​មានលុយច្រើន​ទេ ឬអាចជាអ្នក​ក្រ តែបន្ទាប់ពីបានទិញអចលនទ្រព្យទាំងនោះហើយ កាន់តែក្រថែមទៀត ព្រោះអចលនទ្រព្យដែលបានទិញនោះ ធ្វើប្លង់រឹងមិន​បាន ដាក់បញ្ចាំធនាគារដោះទាល់មិនបាន គ្មានភ្លើងរដ្ឋ ប្រើភ្លើងឯកជនរបស់ម្ចាស់គម្រោងអចលនទ្រព្យមានតម្លៃថ្លៃជាងភ្លើងរដ្ឋជាដើម។

អ្នកជំនាញអចលនទ្រព្យបានពន្យល់ខ្លះៗថា បើចង់ទិញអចលនទ្រព្យប្រកបដោយសុវត្ថិភាព​ត្រូវ​ចេះសិក្សាចំណុចមួយចំនួនដូចខាងក្រោមដើម្បីកុំអោយគេបោកប្រាសភូតភរកុហកបាន៖

ពលរដ្ឋរិះគន់ថា អាជ្ញាធរមានសមត្ថកិច្ច និងស្ថាប័នពាក់ព័ន្ទ ផ្នែកអចលនទ្រព្យ គួរតែត្រួតពិនិត្យ​អោយបានច្បាស់លាស់ចំពោះ​ក្រុម​អ្នក​អភិវឌ្ឍន៍គម្រោងអចលនទ្រព្យ ទាំងខ្នាតតូច ខ្នាតមធ្យម និង​ខ្នាតធំ ជៀងវាងពួកម្ចាស់គម្រោងមួយចំនួយបោកប្រាសអតិថិជនខ្លួនឯង។ ម្យ៉ាងវិញទៀត​ពេល​នេះនៅមិន​ទាន់ហួសពេលនៅឡើយទេសម្រាប់ស្ថាប័នពាក់ព័ន្ទទៅនឹងអចលនទ្រព្យ គួរតែឆាប់ចុះស្រាវជ្រាវឡើងវិញចំពោះម្ចាស់គម្រោងដែលលក់អស់ហើយ កំពុងល់ និងរៀបចំលក់នៅថ្ងៃខាងមុខនេះថាតើ មួយណាមានច្បាប់ត្រឹមត្រូវ មួយណាខ្វះខាតខ្លះ ហើយមួយណាដែលក្មាន​សោះ ដើម្បីចាត់ការតាមវិធានការច្បាប់ ជៀសវាពលរដ្ឋរងទុក្ខនៅថ្ងៃអនាគត ហើយ​ជៀសវាងអាជ្ញាធររដ្ឋ​ អាជ្ញាធរមានសមត្ថកិច្ច និងអ្នក​អនុវត្តច្បាប់ឈឺក្បាលទៅថ្ងៃអនាគតផងដែរ៕ ដោយ៖ផ្លុងរ៉េត