បាញ់ទៀតហើយនៅខេត្តសៀមរាប

ជនសង្ស័យម្នាក់ចេញពីផឹកស៊ីនៅហាងម៉ែក្មេក៥ ស្រវឹងស្រា រួចផ្ទុះកំហឹងដកកាំភ្លើងខ្លីបាញ់១គ្រាប់ផ្ទុបដី។

ហេតុការណ៍នេះកើតឡើងនៅវេលាម៉ោង១យប់ថ្ងៃទី៣ ឈានចូលថ្ងៃទី៤ ខែវិច្ឆិកា ឆ្នាំ២០២១ ស្ថិតនៅមុខហាងម៉ែក្មេក៥ ក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប។

សមត្ថកិច្ចបានឲ្យដឹងថា ខ្មាន់កាំភ្លើង បានជិះរថយន្តទំនើបពាក់ស្លាកលេខរដ្ឋ 2:9998 ហើយបន្ទាប់ពីបាញ់រួចខ្មាន់កាំភ្លើងរូបនេះ បានជិះរថយន្តគេចខ្លួនបាត់ស្រម៉ោល។

សមត្ថកិច្ចបញ្ជាក់បន្ថែមថា ករណីបាញ់បោះនេះកម្លាំងចម្រុះកំពុងចុះស្រាវជ្រាវដល់ទីតាំងកើតហេតុខាងលើដើម្បីស្វែងរកខ្មាន់កាំភ្លើងយកមកផ្តន្ទាទោសទៅតាមផ្លូវច្បាប់៕ ដោយ: វិនិច្ឆ័យ